కరోనా ఎఫెక్ట్… వారికి కేంద్రం భారీ ప్యాకేజీ

కరోనా ప్రభావంతో కేంద్ర పేదల కోసం భారీ ప్యాకేజీని ప్రకటించింది. గరీబ్ కల్యాణ్ యోజన పథకం కింద లక్షా 70 వేల కోట్లతో భారీ ఆర్థిక ప్యాకేజీని ప్రకటించింది. కరోనా ప్రభావంతో ఉపాధి కోల్పోయిన కార్మికులకు, పేదలకు ఈ పథకం వర్తించనుంది. ఆకలి చావులు దేశంలో లేకుండా చేయడానికే ఈ ప్రయత్నం అని కేంద్ర ఆర్థిక మంత్రి నిర్మలా సీతారామన్ తెలిపారు. అలాగే కరోనా వైరస్ నియంత్రణలో భాగంగా పనిచేస్తున్న వైద్యులు, వైద్య సిబ్బంది, పారిశుద్ధ్య సిబ్బందికి ఆరోగ్య బీమాను కేంద్రం ప్రకటించింది. యాభై లక్షల బీమాను వీరికి వర్తింప చేయాలని నిర్ణయించింది. ఈ పథకం కింద నెలకు ఐదు కేజీల బియ్యం లేదా గోధుమలు సప్లయ్ చేస్తారు. మూడు నెలలకు సరిపడా ధాన్యం అందిస్తారు. ఇప్పుడు ఇస్తున్న దానికి ఇది అదనం. దేశంలో 80 కోట్ల మంది పేదలకు ఈ పథకం వర్తిస్తుందన్నారు. పేదలు, రోజు కూలీల కోసం ప్రత్యేక ప్యాకేజీని ప్రకటించింది. ప్రజలు ఎవరూ ఆకలి బాధతో ఉండకూడదనే ఈ నిర్ణయం తీసుకున్నామని నిర్మలా సీతారామన్ తెలిపారు. కరోనా ప్రభావంతో ఉపాధి కోల్పోయిన వారికి కూడా ఈ పథకం వర్తిస్తుందని చెప్పారు. పేదలకు నేరుగా సాయం అందించే చర్యలు చేపట్టిందన్నారు. రైతులకు, వితంతువులకు, వృద్ధులు, దివ్యాంగులు, అనాధలకు కూడా ఆర్థిక సాయం అందజేయనుంది.