ఈటల రాజేందర్ పై భూ కబ్జా ఆరోపణలు

తెలంగాణ వైద్య ఆరోగ్య శాఖ మంత్రి ఈటల రాజేందర్ పై భూ కబ్జా ఆరోపణలు వచ్చాయి. ఈటల కుటుంబం భూకబ్జాలకు పాల్పడినట్లు రైతులు ముఖ్యమంత్రి కేసీఆర్ కు లేఖ రాశారు. మెదక్ జిల్లా మూసాయిపేట మండలంలో ఈ భూకబ్జాలు జరిగినట్లు చెబుతున్నారు. ఈటల రాజేందర్ తన కుటుంబ సభ్యులకు చెందిన కంపెనీ కోసం వంద ఎకరాలభూమిని కబ్జా చేశారని రైతులు చెబుతున్నారు. అక్రమంగా అసైన్డ్ భూములను కూడా కబ్జా చేశారంటూ ఆరోపణలు వచ్చాయి. అచ్చంపేట, హకీంపేటలో ఈ భూ కబ్జా జరిగినట్లు ఆరోపణలు వచ్చాయి.