చంద్రబాబు నేడు రాజధానిలో

కొత్త సంవత్సరం రోజు టీడీపీ అధినేత చంద్రబాబు కుటుంబ సమేతంగా రైతులకు సంఘీభావం తెలపనున్నారు. రాజధాని రైతులు గత పదిహేను రోజులుగా ఆందోళన చేస్తున్న సంగతి తెలిసిందే. రాజధానిని అమరావతి నుంచి తరలించ వద్దంటూ వారు డిమాండ్ చేస్తున్నారు. ఈ నేపథ్యంలో చంద్రబాబు నూతన సంవత్సర వేడుకలు జరుపుకోకుండా రైతులకు మద్దతు తెలపాలని నిర్ణయించుకున్నారు. ఈరోజు ఆయన తన సతీమణి భువనేశ్వరి తో కలసి రాజధాని రైతుల ఆందోళనలో పాల్గొంటారు వివిధ గ్రామాల్లో పర్యటించి రైతులకు అండగా నిలవనున్నారు.