Congress : కేసీఆర్ ఫాం హౌస్‌కు వెళ్లడం ఖాయం...మ్యానిఫేస్టో విడుదల కార్యక్రమంలో ఖర్గే

తెలంగాణ ఎన్నికల మ్యానిఫేస్టో విడుదలయింది. ఏఐసీసీ చీఫ్ మల్లికార్జున ఖర్గే కాంగ్రెస్ మ్యానిఫేస్టోను విడుదల చేశారు. మొత్తం 42 పేజీలతో ఈ మ్యానిఫేస్టో ను విడుదల చేశారు. అభయ హస్తం పేరుతో మ్యానిఫేస్టోను మల్లికార్జున ఖర్గే జనం ముందుంచారు. మొత్తం 62 అంశాలతో మ్యానిఫేస్టోను విడుదల చేశారు. గాంధీ భవన్ లో ఈ మ్యానిఫేస్టోను మల్లికార్జున ఖర్గే విడుదల చేశారు. అందరినీ సంప్రదించే మేధావుల సలహాలు, సూచనలు తీసుకుని ఈ మ్యానిఫేస్టో ను రూపొందించారని పీసీసీ చీఫ్ రేవంత్ రెడ్డి అన్నారు. అరవై సంవత్సరాల ఆకాంక్షను దృష్టిలో పెట్టుకుని ఈ మ్యానిఫేస్టోను రూపొందించామని తెలిపారు. కేసీఆర్ ప్రభుత్వం తెలంగాణ ప్రజల హక్కులను తొమ్మిదేళ్లుగా కాలరాసిందన్నారు. ధనిక రాష్ట్రాన్ని కేసీఆర్ దివాలా తీయించాడన్నారు. తెలంగాణ ప్రజలకు అవసరమైన అన్నింటినీ ఇందులో పొందుపర్చామని తెలిపారు.