ఫోల్డబుల్ ఫోన్ ను తీసుకుని రానున్న వన్ ప్లస్.. ఇక్కడ ట్విస్ట్ ఏమిటంటే!

వన్ ప్లస్ తీసుకుని వచ్చే ఫోల్డబుల్ ఫోన్ ఖచ్చితంగా Oppo Find N యొక్క రీబ్రాండెడ్ వెర్షన్ అవుతుందని టెక్ నిపుణులు అంటున్నారు. Find N మొబైల్ ను ఒప్పో భారతదేశంలో లేదా అంతర్జాతీయ మార్కెట్‌లలో ప్రారంభించలేదు. ఇక OnePlus ఫోల్డబుల్ ఫోన్ యొక్క లాంచ్ టైమ్‌లైన్ గురించి ఎటువంటి సమాచారం లేదు. OnePlus ఈ సంవత్సరం ఐదు స్మార్ట్‌ఫోన్‌లను లాంచ్ చేయనుంది, అయితే ఫోల్డబుల్ ఫోన్ ఇంకా జాబితాలో కనిపించలేదు.

Oppo Find N రెండు RAM వేరియంట్‌లతో 8GB RAM- 256GB స్టోరేజ్ తో రానుంది. ధర CNY 7,699గా ప్రకటించబడింది, భారత్ కరెన్సీలో 92,000 రూపాయలు. ఇక 12GB RAM - 512GB స్టోరేజ్ ఉన్న దాని ధర CNY 8,999, ధర దాదాపు రూ. 1,07,550గా ఉంది. స్మార్ట్‌ఫోన్ మూడు రంగులలో ప్రారంభించబడింది. ఇది చైనాలో మాత్రమే అందుబాటులో ఉంది.

Oppo Find N పెద్ద 7.1-అంగుళాల LTPO AMOLED డిస్‌ప్లేను కలిగి ఉంది, ఇది 120Hz రిఫ్రెష్ రేట్, HDR10+ మద్దతుతో 1920x1792 పిక్సెల్‌ల రిజల్యూషన్‌ను కలిగి ఉంది. సెల్ఫీ కెమెరా కోసం ముందు భాగంలో పంచ్-హోల్ కటౌట్ ఉంది. Oppo Find N Qualcomm Snapdragon 888 చిప్‌సెట్‌తో 12GB వరకు RAM.. 512GB UFS 3.1 స్టోరేజ్‌తో అందించబడింది. స్మార్ట్‌ఫోన్ ColorOS 12 ఆధారంగా ఆండ్రాయిడ్ 11 అవుట్ ఆఫ్ బాక్స్‌ని కలిగి ఉంది. కనెక్టివిటీ కోసం, Find N WiFi 6 సపోర్ట్, సైడ్-మౌంటెడ్ ఫింగర్ ప్రింట్ స్కానర్ మరిన్నింటితో వస్తుంది. ఇది 33W ఫాస్ట్ వైర్డ్ ఛార్జింగ్, 15W ఫాస్ట్ వైర్‌లెస్ ఛార్జింగ్, 10W రివర్స్ ఛార్జింగ్‌కు మద్దతు ఇచ్చే 4,500mAh బ్యాటరీని కలిగి ఉంది.