తండ్రినే డ్రగ్స్ కొనడానికి డబ్బులు అడిగాడు.. అందుకు నిరాకరించడంతో..!

బీహార్‌లోని పూర్నియాలో డ్రగ్స్ కొనడానికి డబ్బు ఇవ్వడానికి తండ్రి నిరాకరించాడు. దీంతో ఆ వ్యక్తి తన తండ్రిని కూడా చంపేందుకు వెనుకాడలేదు. ఏకంగా కాల్పులు జరిపాడు. డ్రగ్స్‌కు బానిసైన నిందితుడు తన ఇంటి బయట ఉన్న బైక్‌కు కూడా నిప్పుపెట్టాడు. తండ్రి హీరాలాల్ సా తన ప్రాణాలను కాపాడుకోగలిగాడు. ఇంటి నుండి తప్పించుకుని.. ఆ తరువాత అతను పూర్నియాలోని రూపాలి పోలీస్ స్టేషన్‌కు చేరుకున్నాడు. తన కొడుకు గురించి ఈ సంఘటన గురించి పోలీసులకు సమాచారం ఇచ్చాడు. సమాచారం అందుకున్న పోలీసు ఇన్స్పెక్టర్ మహదేవ్ కామత్ తన బృందంతో కలిసి ఇంటికి చేరుకుని నిందితుడు రంజన్ కుమార్‌ను అదుపులోకి తీసుకున్నారు.