బావాబామ్మర్దులపై పోటీకి కాంగ్రెస్ చేస్తున్న కసరత్తు ఇదేనా?

కాంగ్రెస్ అభ్యర్థుల తొలి జాబితా వచ్చేసింది. అందులో ముఖ్యమైన నియోజకవర్గాలకు అభ్యర్థులను ఖరారు చేశారు. చివరకు బీఆర్ఎస్ అధినేత కేసీఆర్ పోటీ చేసే గజ్వేల్ కు కూడా అభ్యర్థిని కాంగ్రెస్ అధినాయకత్వం త్వరగానే కన్ఫర్మ్ చేసింది. కేసీఆర్ పై నరసారెడ్డిని పోటీకి దింపేందుకు సిద్ధమయ్యారు. గజ్వేల్ లో పోటీ ఇస్తారా? లేదా? అన్నది పక్కన పెడితే ఆ రెండు చోట్ల పార్టీని ఓడించడమే లక్ష్యంగా కాంగ్రెస్ పావులు కదుపుతున్నట్లు తెలిసింది. సిరిసిల్ల, సిద్ధిపేటల్లో ధీటైన అభ్యర్థి కోసం కాంగ్రెస్ పార్టీ అన్వేషిస్తుంది. అందువల్లనే తొలి జాబితాలో ఈ రెండు స్థానాలకు అభ్యర్థులను ఖరారు చేయకుండా వదిలేసింది. ఆపరేషన్ ఎస్ ను ప్రారంభించింది. సిద్ధిపేట, సిరిసిల్లలో ఎవరిని దింపాలన్న దానిపై పెద్దయెత్తున సర్వేలు కూడా చేయించినట్లు తెలిసింది.