నేడు చిత్తూరుకు జగన్

ఏపీ ముఖ్యమంత్రి వైఎస్ జగన్ నేడు చిత్తూరు జిల్లాలో పర్యటించనున్నారు. జగన్ ప్రభుత్వం ప్రతిష్టాత్మకంగా భావిస్తున్న అమ్మవొడి కార్యక్రమాన్ని ప్రారంభించనున్నారు. అమ్మఒడి పథకం కింద పాఠశాలలకు పంపిన విద్యార్థుల తల్లుల ఖాతాలో పదిహేను వేల రూపాయలు జమ చేయనున్నారు. ఈ పథకం కోసం దాదాపు 6,500 కోట్ల నిధులను ప్రభుత్వం సిద్ధం చేసి పెట్టింది. ఇప్పటికే లబ్దిదారుల జాబితా తయారు కావడంతో జగన్ ఈ పథకం ప్రారంభించిన వెంటనే వారి ఖాతాల్లో పదిహేను వేల రూపాయలు పడనున్నాయి. జగన్ పర్యటనకు సంబంధించి అన్ని ఏర్పాట్లను అధికారులు పూర్తి చేశారు. జగన్ రాక సందర్భంగా మానవహారాన్ని కూడా ఏర్పాటు చేయనున్నారు.