తెలంగాణలో ఆంక్షలను పెంచిన ప్రభుత్వం.. మాస్క్ తప్పనిసరి

తెలంగాణ ప్రభుత్వం కీలక నిర్ణయం తీసుకుంది. ఏప్రిల్ 10వ తేదీ వరకూ ఎలాంటి సామూహిక కార్యక్రమాలను నిర్వహించరాదని ఆదేశాలు జారీ చేసింది. ర్యాలీలు, యాత్రలపై తెలంగాణ ప్రభుత్వం నిషేధం విధించింది. కరోనా కేసులు పెరుగుతుండటంతో ప్రభుత్వం ఈ నిర్ణయం తీసుకుంది. హోలీ, ఉగాది, శ్రీరామనవమి, రంజాన్, గుడ్ ఫ్రైడే వంటి పండగలపై ఆంక్షలు విధించింది. కేంద్ర ప్రభుత్వం మార్గదర్శకాలను అనుసరించి కఠిన చర్యలు ఉంటాయని ప్రభుత్వం పేర్కొంది. ప్రతి ఒక్కరూ మాస్క్ విధిగా ధరించాలని ప్రభుత్వం పేర్కొంది.