ఛత్తీస్ ఘడ్ లో ఎగ్జిట్ పోల్ ఫలితాలను అక్కడి ఓటర్లు తలకిందులు చేశారు. ఛత్తీస్ ఘడ్ లో మొత్తం 90 స్థానాలకు గాను కాంగ్రెస్ పార్టీ యాభై స్థానాల్లో ఆధిక్యంలో ఉంది. ఇక్కడ భారతీయ జనతా పార్టీ 19 స్థానాల్లోనూ, ఇతరులు మూడు స్థానాల్లో ముందంజలో ఉన్నారు. ఇదే ట్రెండ్ కొనసాగుతుందన్నది విశ్లేషకుల అంచనా. ఇప్పటికే మ్యాజిక్ ఫిగర్ దాటి కాంగ్రెస్ పార్టీ ఆధిక్యంలో కొనసాగుతుండటం విశేషం. మూడు దఫాలుగా వరుస విజయాలతో ఉన్న రమణ్ సింగ్ కు అక్కడి ప్రజలు వ్యతిరేకించారని ఫలితాలను బట్టి తెలుస్తోంది.