అసెంబ్లీలో బాలయ్య సందడి….!!!

ఆంధ్రప్రదేశ్ అసెంబ్లీ సమావేశాలు ప్రారంభం తొలిరోజున టీడీపీ ఎమ్మెల్యే, సినీ హీరో నందమూరి బాలకృష్ణ స్పెషల్ ఎట్రాక్షన్ గా నిలిచారు. ఆయన ఎమ్మెల్యేగా ప్రమాణస్వీకారం చేశారు. అసెంబ్లీ లాబీల్లో బాలకృష‌్ణ తనకు ఎదురుపడిన ఉప ముఖ్యమంత్రి అంజాద్ భాషా, వైసీపీ ఎమ్మెల్యే జోగిరమేష్ లతో కరచాలనం చేశారు. వారితో కొద్దిసేపు ముచ్చటించారు. వైసీపీ, టీడీపీ ఎమ్మెల్యేలు ఒకరికొకరు అభినందనలను తెలుపుకున్నారు. వైసీపీ సీనియర్ నేత ఉమ్మారెడ్డి వెంకటేశ్వర్లు, మంత్రి కొడాలి నానిలకు టీడీపీ ఎమ్మెల్యే పయ్యావుల కేశవ్ శుభాకాంక్షలు తెలిపారు. మొత్తం మీద తొలిరోజు అసెంబ్లీ సమావేశాల్లో సభ్యులందరూ పార్టీలకతీతంగా ఒకరినొకరు పలుకరించుకోవడం కన్పించింది.