కన్నా లక్ష్మీనారాయణ ఆసుపత్రి నుంచి డిశ్చార్జ్ అయ్యారు. రెండు రోజుల క్రితం హైబీపీ రావడంతో కన్నాను గుంటూరులోని ఒక ప్రభుత్వ ఆసుపత్రిలో చేర్చారు. ఆయనకు రెండు రోజుల పాటు విశ్రాంతి అవసరమని వైద్యులు సూచించారు. ఈ రెండు రోజులపాటు ఆసుపత్రిలోనే వైద్యుల సంరక్షణలో ఉన్న కాన్నా కొద్దిసేపటి క్రితం ఇంటికి చేరుకున్నారు. కాగా కన్నా ఈ నెల 25వ తేదీన వైసీపీలో చేరాల్సి ఉండగా, ఆయన అస్వస్థతకు గురవ్వడంతో వాయిదా పడింది. కన్నా ఆరోగ్యం మెరుగుపడి ఇంటికి చేరుకోవడంతో వైసీపీలో చేరే తేదీని ఆయన నిర్ణయించవచ్చని తెలుస్తోంది.