వివాదాస్పద వ్యాఖ్యలు చేయడంలో బీజేపీ నేతల తర్వాతే ఎవరైనా. ముఖ్యంగా ఆ పార్టీకి చెందిన కొందరు ఉత్తరాది నేతలు అవకాశం దొరికినప్పుడల్లా ముస్లింలపై నోరుజారుతుంటారు. బీజేపీ నేతలెవరూ ఎటువంటి వివాదాస్పద వ్యాఖ్యలు చేయవద్దని ప్రధాని నరేంద్ర మోదీ, పార్టీ జాతీయ అధ్యక్షుడు అమిత్ షా స్వయంగా చెబుతున్నా ఆ పార్టీ నేతలు తగ్గడం లేదు. తాజాగా మధ్యప్రదేశ్ లోని అంబేద్కర్ నగర్ బీజేపీ ఎంపీ హరి ఓం పాండే ఇటువంటి వ్యాఖ్యలే చేశారు. ముస్లింలు 3-4 సార్లు పెళ్లీలు చేసుకుని 9-10 మంది పిల్లల్ని కంటారని పేర్కొన్నారు. వారికి చదువు కూడా చెప్పించరని, దీంతో ఆవారాలుగా తయారవుతారన్నారు. వారి జనాభా కూడా పెరిగిపోతుందని, ఇప్పుడు షరియా చట్టం కోసం డిమాండ్ చేస్తున్నట్లుగా కొత్త పాకిస్తాన్ కోసం డిమాండ్ చేస్తారని తీవ్ర వ్యాఖ్యలు చేశారు.