ఇంకా పుట్టిలోనే ప్రయాణం

నిత్యావసరాలు తెచ్చుకోవాలన్నా, వైద్యానికి వెళ్లాలన్నా ఈ పుట్టి నుంచే ప్రయాణిస్తున్నారు. రెండు గ్రామాల మధ్య రోజూ వ్యవసాయ పనులకు వెళ్లాల్సి వస్తుంది. అయితే వాగులో గుంతలు తవ్వినందున ఇరవై అడుగుల లోతు ఉంటుందని గ్రామస్థులు చెబుతున్నారు. వాగు దాటాలంటే ప్లాస్టిక్ పుట్టిలో ఎక్కి తాడు సాయంతో లాగుతూ వెళతామని చెబుతన్నారు. ఇక్కడ వంతెన నిర్మిస్తామని అనేక ఏళ్లుగా ప్రజాప్రతినిధులను కోరుతున్నా పట్టించుకోవడం లేదని గ్రామస్థులు ఆవేదన చెందుతున్నారు. ఏమాత్రం తాడు తెగినా పుట్టి సరళసాగర్ ప్రాజెక్టులో పడే అవకాశమందని వారు ఆందోళన చెందుతున్నారు.