స్వాతంత్ర్య సమరయోధుడు ఉయ్యాలవాడ నరసింహారెడ్డి జీవితం ఆధారంగా తెరకెక్కుతున్న చిత్రం ‘సైరా’. చిరంజీవి 151వ చిత్రంగా వస్తున్నా ఈ చిత్రంపై ఇప్పటికే భారీ అంచనాలు ఉన్నాయ్. దాదాపు 150 కోట్ల బడ్జెట్ తో తెరకెక్కుతున్న ఈ చిత్రాన్ని చిరంజీవి కొడుకు రామ్ చరణ్ నిర్మిస్తున్నాడు.
ప్రస్తుతం ఈ సినిమా షూటింగ్ లో బిజీగా ఉన్నాడు మెగా స్టార్ చిరంజీవి. ఈ సినిమా షూటింగ్ కోసం హైదరాబాద్ లోని అల్యూమినియం ఫ్యాక్టరీలో కోయిలకుంట్ల ట్రెజరీ సెట్ ను రూపొందించారు. కర్నూల్ లోని కోయిలకుంట్ల ప్రాంతంలో ఉన్న ట్రెజరీని కొల్లగొట్టి ఉయ్యాలవాడ నరసింహారెడ్డి బ్రిటిషువారిపై తన తిరుగుబాటును ప్రారంభించారు.
ఆ ముఖ్యమైన చారిత్రాత్మక ఘట్టం కోసమే ఈ సెట్ ను డైరెక్టర్ సురేంద్ర రెడ్డితో పాటు చిత్ర యూనిట్ రూపొందించారు. ఇక ఈ చిత్ర షూటింగ్ లో బాలీవుడ్ మెగా స్టార్ అమితాబ్ బచ్చన్, లేడీ సూపర్ స్టార్ నయనతారలు కూడ పాల్గొంటున్నారు.