అశ్వినిదత్ అల్లుడు నాగ్ అశ్విన్ సావిత్రి బయో పిక్ ని తెరకెక్కిస్తున్నాడు. దీనికి నిర్మాత అశ్విన్ మామగారు అశ్వినిదత్. ఇక ఈ చిత్రంలో సావిత్రి రోల్ కి కీర్తి సురేష్ ని భారీ రెమ్యునరేషన్ కి బుక్ చేసుకున్న నాగ్ అశ్విన్ జర్నలిస్ట్ కేరెక్టర్ కోసం సమంత ని సెలెక్ట్ చేసుకున్నాడు. మరి మహానటి చిత్రంలో అసలు విషయాలను చూపిస్తాడో లేదో తెలియదు గాని ఈ సినిమా ఇంకా మొదలవ్వకముందే సంచలనాలకు తెరలేపుతుంది. సావిత్రి జీవితంలో జెమిని గణేష్ కి ముఖ్య పాత్ర పోషించాడు. అందుకే 'మహానటి' చిత్రంలో సావిత్రి పాత్ర చేస్తున్న కీర్తి సురేష్ కి జోడిగా మలయాళ హీరో దుల్కర్ సల్మాన్ ని ఎంపిక చేశారు. ఈ యువ నటుడు జెమిని గణేష్ పాత్రని మహానటిలో పోషించబోతున్నాడు.
ఇక జర్నలిస్ట్ పాత్ర చేస్తున్న సమంత కి జోడిగా పెళ్లి చూపులు తో హిట్ అందుకున్న హీరో విజయ్ దేవరకొండని ఎంపిక చేసినట్లు వార్తలొస్తున్నాయి. అయితే ఒక జర్నలిస్ట్ పాత్రలో చేస్తున్న సమంత కి ఈ మూవీ లో జోడి ఉండదని భావించారు అంతా. కానీ ఇప్పుడు విజయ్ దేవరకొండ ని సమంతకి జోడిగా నాగ్ అశ్విన్ ఎంపిక చేసినట్లు ప్రచారం మొదలైంది. అయితే ఈ విషయాన్నీ చిత్ర యూనిట్ ఇంకా అధికారికంగా ప్రకటించాల్సి ఉంది.