గత రెండు మూడు రోజులుగా ధ్రువ సినిమా డిసెంబర్ 2 నుండి డిసెంబర్ 9 కి పోస్ట్ పోన్ అయినట్లు వార్తలొస్తున్నాయి. అసలు ముందు ధ్రువ సినిమా ని డిసెంబర్ 2 న విడుదల చేస్తామని రామ్ చరణ్ సినిమా మొదలైనప్పుడే చెప్పాడు. ఏమైందో ఏమో రెండు రోజుల నుండి ధ్రువ సినిమా రిలీజ్ డేట్ కి రాకుండా ఒక వారం వెనక్కి వెళ్ళిందని తెగ ఊదరగొడుతున్నారు. అదంతా వట్టి రూమరేనట. ధ్రువ సినిమా అనుకున్న డేట్ కి అనుకున్న టైమ్ కే విడుదలవుతుందట.
చరణ్ తన తండ్రి చిరంజీవి 150 చిత్రం ఖైదీ నెంబర్ 150 కి తన ధ్రువ చిత్రానికి ఒక నెల గ్యాప్ ఉండాలని భావించి ధ్రువ చిత్రాన్ని డిసెంబర్ రెండున రిలీజ్ డేట్ ప్రకటించాడు . కొన్ని కారణాల వల్ల డిసెంబర్ 9 కి గనక ధ్రువ ని పోస్ట్ ఫోన్ చేస్తే గనక తన తండ్రి 150 వ చిత్రానికి తన ధ్రువ చిత్రానికి గ్యాప్ తగ్గుతుంది కాబట్టి ఎట్టిపరిస్థితుల్లో డిసెంబర్ 2 న రావడానికే చరణ్ చూస్తున్నాడట. ఇక ఇప్పటికే షూటింగ్ కంప్లీట్ చేసుకుని ప్రమోషన్ కార్యక్రమాల్లోకి దిగిన ధ్రువ టీమ్ పోస్ట్ ప్రొడక్షన్ కార్యక్రమాలను కూడా స్టార్ట్ చేసిందని సమాచారం. ఇక పాటలు కూడా ఈ రోజు రాత్రి 12.30 నిమిషాలకు మార్కెట్లోకి విడుదలకి సిద్ధమయ్యాయి.
ఇక ధ్రువ ఏ హంగామా లేకుండా థియేటర్లోకి రావడం లేదు. ఒక మంచి ప్రీ రిలీజ్ ఫంక్షన్ తో అభిమానులను ఉత్సాహపరిచి మరీ డిసెంబర్ 2 న ప్రేక్షకులముందుకు రావడానికి సిద్ధమవుతోంది. ఇక ఈ ప్రీ రిలీజ్ ఫంక్షన్ వరంగల్ వేదికగా ఈ నెల 20న జరగనుంది.