ఒక్కో సినిమా స్క్రీన్‌ప్లే ఒక్కోవిధంగా ఉంటుంది. 'సర్దార్‌గబ్బర్‌సింగ్‌' స్క్రీన్‌ప్లే కూడా పవనే స్పెషల్‌గా డిజైన్‌ చేసుకున్నాడు 'జానీ' చిత్రం తర్వాత పవన్ చాలా గ్యాప్‌ తీసుకొని ఈ చిత్రానికి స్క్రీన్‌ప్లే అందించడం విశేషం. ఈ 'సర్దార్‌గబ్బర్‌సింగ్‌' చిత్రం గురించిన ఓ వార్త ఇప్పుడు అన్నిచోట్లా హల్‌చల్‌ చేస్తోంది. ఈ చిత్రంలో పవన్ సినిమా ప్రారంభమైన మొదటి 20నిమిషాలు కనిపించడు. అప్పటివరకు విలన్‌, రతన్‌పూర్‌ సెటప్‌, అక్కడి ప్రజలు పడే కష్టాలు, హీరోయిన్‌ ఇంట్రడక్షన్‌ వంటివి సాగుతాయట. సరైన టైమ్‌లో పవన్ ఎంట్రీ ఇచ్చి ఓ పదినిమిషాలు అదరగొట్టనున్నట్లు సమాచారం. ఈ చిత్రం ఫస్టాఫ్‌ పూర్తి పంచ్‌ డైలాగులతో, సెకండాఫ్‌ పూర్తిగా ఫన్‌ మిక్స్‌డ్‌ యాక్షన్‌తో సాగుతుందని అంటున్నారు. మొత్తానికి ఇప్పటినుండే పవన్ 'సర్దార్‌గబ్బర్‌సింగ్‌' చిత్రం విషయంలో రోజుకో వార్త ప్రచారంలోకి వస్తుంది. ఈ చిత్రం కథ పాతదే అయినా ట్రీట్‌మెంట్‌ బేస్‌డ్‌గా ఈ చిత్రం అదరగొట్టనుందని తెలుస్తోంది. ఈ చిత్రం ట్రైలర్‌ను చూస్తే కూడా ఈ విషయం స్పష్టంగా అర్ధమవుతోంది.