సమీరా వర్కౌట్ అవ్వలేదు.. ఇద్దర్ని తెచ్చారు?

జబర్దస్త్ కి పోటీగా జీ తెలుగు ఛానల్ లో నాగబాబు జేడ్జ్ గా అదిరింది ప్రోగ్రాం ని స్టార్ట్ చేసారు. జబర్దస్త్ ఓల్డ్ కంటెస్టెంట్స్ తో అందిరింది స్కిట్స్ చేస్తూ.. ఏదో అదిరింది షో ని అలా అలా నెట్టుకొస్తున్నారు. అయితే జబర్దస్త్ లో యాంకర్ అనసూయ మాదిరిగా అదిరింది షో కి అదిరిపోయే యాంకర్ దొరకలేదు అదిరింది టీం కి. ఒకప్పుడు సీరియల్స్ లో నటించి… పర్సనల్ లైఫ్ లో ప్రోబ్లెంస్ వచ్చి పెళ్లి చేసుకున్న తర్వాత మళ్ళీ అదిరింది యాంకర్ గా రీ ఎంట్రీ ఇచ్చింది బుల్లితెర సమీరా. సమీరా కి తెలుగు సరిగ్గా రాదు.. అలా అని అందాన్ని గ్లామర్ గాను చూపించలేదు. ఏదో స్కిట్స్ లో కమేడియన్స్ వేసే పంచ్ లకు పడి పడి నవ్వడం తప్ప యాంకర్ సమీరా అదిరింది షో కీ అసలు హెల్ప్ అవ్వలేదు. అనసూయ లాంటి అందం లేదు, ఆకర్షణ లేదు, అనుభవం లేదు. అయినా అలా అలా నెడుతున్న అదిరింది షో కి పంచ్ మీద మీద పంచ్ లు ప్రేక్షకుల నుండి పడుతున్నాయి.

ఇక జబర్దస్త్ స్కిట్స్ ని కాపీ పేస్ట్ చేస్తున్నట్టుగా అదిరింది స్కిట్స్ లో డబుల్ మీనింగ్ డైలాగ్స్ తో వేణు, చంద్ర, ధనరాజ్, ఆర్పీ ఎదో లాగించేస్తున్నారు. అయితే తాజా గా అదిరింది యాంకర్ సమీరా ప్లేస్ లో మేల్ యాకర్ రవి, బిగ్ బాస్ ఫేమ్ భానుశ్రీ వచ్చారు. సమీరా ప్లేస్ లోకి రవి, భానుశ్రీ రావడం చూసి చాలామంది అబ్బ అంటూ ఊపిరి పీల్చుకున్నారు. సమీరా ని చూసి చూసి బోర్ కొట్టిన వారికీ రవి, భానుశ్రీ లు కాస్త కొత్తగా కనబడుతున్నారు. భానుశ్రీ ఇప్పటికే పలు షోస్ తో బుల్లితెర ప్రేక్షకులకు దగ్గరైంది. ఇక హాట్ హాట్ డ్రెస్సులతో భానుశ్రీ స్టేజ్ మీద సందడి చేస్తుంది. యాంకర్ రవి ఎప్పటిలాగే తనదైన స్టయిల్లో అదిరింది స్టేజి కి కొత్తదనం తీసుకొస్తారనిపిస్తుంది. మరి సమీరా ప్లేస్ లో రవి, భాను ని చూసి మంచి పని చేసెసారు, కొత్తవాళ్ళని యాంకరేజ్ చెయ్యండి అంటూ జీ ఛానల్ కి అభిమానులు విజ్ఞప్తి చేస్తున్నారంటే సమీరా యాంకరింగ్ లో ఎంత బోర్ ఫీలవుతున్నారో తెలుస్తుంది.