రంగస్థలం సినిమాతో నటుడిగా రామ్ చరణ్ కెరీర్ లోనే అదరగొట్టే హిట్ అందుకున్నాడు. రంగస్థలం లాంటి చిత్రంలో నటించిన రామ్ చరణ్ నెక్స్ట్ ప్రాజెక్ట్ మాస్ డైరెక్టర్ బోయపాటి శ్రీను దర్శకత్వంలో చేస్తున్నాడు. మరి బోయపాటి మార్క్ యాక్షన్ ఎలా ఉంటుందో బోయపాటి గత సినిమాల్లోనే చూసాం. హీరోలో హిరోయిజాన్ని బోయపాటి కన్నా ఎక్కువగా ఎవరూ చూపించలేరేమో అన్నట్టుగా ఉంటాయి ఆయన సినిమాలు. హీరోలను మాస్ గా కాదు కాదు ఊర మాస్ గా చూపిస్తాడు. మరి తమ హీరోను మాస్ అండ్ యాక్షన్ హీరోగా చూడాలనే అభిమానుల కోరికలు ఇలాంటి డైరెక్టర్స్ తోనే తీరతాయి.
ముందుగా అనుకున్న టైటిల్...
ఇక రామ్ చరణ్ తో బోయపాటి సినిమా షూటింగ్ చివరి దశలో ఉంది. కాస్త లేట్ గానే ఈ సినిమా టైటిల్, లుక్ ని విడుదల చేసింది R12 బృందం. సినిమా సంక్రాంతికి విడుదలవుతుందని... దీపావళి కానుకగా లుక్ వస్తుంది అనగానే మెగా అభిమానుల ఆనందానికి అవధులే లేవు. మరి ముందు నుండి ప్రచారం జరిగినట్టుగానే రామ్ చరణ్ కొత్త సినిమా టైటిల్ ని 'వినయ విధేయ రామ'గా పెట్టిన బోయపాటి.. రామ్ చరణ్ ని ఊర మాస్ లుక్ లో దింపేశాడు. మరి బోయపాటి మార్క్ మాస్ ఈ లుక్ లోనే తెలిసిపోతుంది .
టైటిల్ క్లాస్ అయినా... లుక్ మాస్
బోయపాటి ఈసారి చరణ్ తో ఫ్యామిలీ ఎమోషన్స్ ఉన్న సినిమా తీస్తున్నాడని అన్నారు. కానీ... బోయపాటి మార్క్ యాక్షన్ ఎక్కడా మిస్ కాకుండానే 'వినయ విధేయ రామ'లో రామ్ చరణ్ లుక్ ఉంది. చరణ్ లోని డైనమిక్ ఎలిమెంట్‌ని ఎలివేట్ చేసేదిగా ఉన్న ఈ లుక్ మెగా ఫాన్స్ ని ఉర్రుతలూగిస్తుంది. మరి టైటిల్ సాఫ్ట్ గా 'వినయ విధేయ రామ్' అని పెట్టినప్పటికీ... చరణ్ లుక్ చూసిన ఎవ్వరైనా ఈ సినిమా పక్కా యాక్షన్ మూవీనే అంటారు. ఇక ఈ సినిమాలో కియారా అద్వానీ రామ్ చరణ్ కి జోడిగా కనిపిస్తుంది. ఈ సినిమా సంక్రాతి కానుకగా జనవరి 11 న విడుదలవుతుండగా... ఈ సినిమా టీజర్ 9వ తేదీన విడుదల చేస్తున్నట్లుగా నిర్మాత ప్రకటించిన విషయం తెలిసిందే.