దేశభక్తి నేపథ్యంలో విజయ్ – సుక్కు సినిమా?

పూరి జగన్నాధ్ తో పాన్ ఇండియా మూవీ చేస్తున్న విజయ్ దేవరకొండ తదుపరి చిత్రాల గురించి మాట్లాడుకుంటున్న సమయంలో.. సుకుమార్ అల్లు అర్జున్ తో పుష్ప సినిమాని పాన్ ఇండియా లెవల్లో మొదలు పెట్టడానికి సన్నాహాలు చేసుకుంటున్న సమయంలో ఉన్నట్టుండి విజయ్ దేవరకొండ – సుకుమార్ కాంబోలో పాన్ ఇండియా మూవీ ఎనౌన్సమెంట్ రావడం అందరికి షాకిచ్చింది. కనీసం గాసిప్ లో కూడా లేని కాంబో అవడంతో వారి కాంబోలో మూవీ అనగానే నిజంగా అందరూ షాకయ్యారు. అయితే ఎలాగూ సుక్కు పుష్ప ని, విజయ్ ఫైటర్ పూర్తి చేశాక సుక్కు – విజయ్ సినిమా ఉంటుంది కాబట్టి ఆ సినిమాపై ప్రస్తుతంపెద్దగా సోషల్ మీడియాలో గాసిప్స్ కానీ, న్యూస్ లు కానీ వినిపించడం లేదు. 

అయితే తాజాగా సుకుమార్ – విజయ్ దేవరకొండ సినిమా నేపథ్యం దేశభక్తితో కూడుకున్నదని..  పాకిస్తాన్ – ఇండియా విడిపోయిన కాలంలో జరిగిన పరిస్థుతుల ఆధారంగా జరిగే ఎమోషనల్ యాక్షన్ డ్రామా  గా ఉండబోతుంది అంటూ ఓ న్యూస్ సోషల్ మీడియాలో చక్కర్లు కొడుతోంది. పాకిస్తాన్ – ఇండియా కి మధ్యన జరిగిన యుద్ధంలో ఇండియాని గెలిపంచడానికి తన శాయశక్తులా పోరాడిన ఓ జవాను కథగా వీరి సినిమా ఉండబోతుంది అంటున్నారు. మరి భారీ బడ్జెట్ తో తెరకెక్కనున్న ఈ సినిమాలో పాన్ ఇండియా స్టార్ నటులే కనిపిస్తారని అంటున్నారు.