కొత్త డైరెక్టర్ కి ఛాన్స్ ఇచ్చిన విజయ్

క్రేజీ హీరో విజయ్ దేవరకొండ ప్రస్తుతం వరుస సినిమాలతో బిజీగా ఉన్నాడు. చిన్న డైరెక్టర్స్ నుండి పెద్ద డైరెక్టర్స్ వరకు అందరితో సినిమాలు చేయనున్నాడు విజయ్. చిన్న డైరెక్టర్స్ కి కూడా విజయ్ ఆఫర్ ఇస్తున్నాడు. రీసెంట్ గా ఓ ఇంటర్వ్యూలో విజయ్ మాట్లాడుతూ…“నేను కొత్త డైరెక్టర్స్ కి అవకాశం ఇవ్వడం కాదు, వాళ్లు నా దగ్గరకి వచ్చి కథ చెప్పడం నా అదృష్టం” అని చెప్పాడు. అలా అన్నాడో లేదో వెంటనే ఓ కొత్త డైరెక్టర్ కి ఛాన్స్ ఇచ్చేసాడు. రీసెంట్ గా ‘హుషారు’ అనే సినిమాతో యూత్ ని ఎంటర్టైన్ చేసి సూపర్ హిట్ కొట్టిన కొత్త డైరెక్టర్ హర్షతో విజయ్ ఓ సినిమా చేయనున్నాడు.

రెండు సినిమాల తర్వాత…

అతని టాలెంట్ నచ్చి వెంటనే ఓ కథ రెడీ చేయి మనం సినిమా చేద్దాం అని చెప్పాడట. అంతా సెట్ అయితే నా నెక్స్ట్ సినిమా నీతోనే అని చెప్పాడట. డైరెక్టర్ శ్రీహర్ష ఈ విషయాన్ని ఇటీవలే ఒక ప్రెస్ మీట్ లో కూడా చెప్పాడు. ప్రస్తుతం ఈ డైరెక్టర్ స్క్రిప్ట్ వర్క్ చేసే పనిలో ఉన్నాడు. ఇక విజయ్ ప్రస్తుతం డియర్ కామ్రేడ్ షూటింగ్ ముగించుకుని క్రాంతి మాధవ్ డైరెక్షన్ లో ఓ సినిమా చేస్తున్నాడు. ఈ రెండు సినిమాల తరువాత హర్షతో సినిమా ఉండే అవకాశముంది.