రోజురోజుకు ఎన్టీఆర్ బయోపిక్ కు సంబంధించి ఏదొక న్యూస్ సోషల్ మీడియాలో చక్కర్లు కొడుతుంది. క్రిష్ దర్శకత్వంలో తెరకెక్కుతున్న ఈ చిత్రంలో ఎన్టీఆర్ పాత్ర నందమూరి బాలకృష్ణ చేస్తుండగా... ఎన్టీఆర్ భార్య బసవతారకం పాత్రలో బాలీవుడ్ నటి విద్యాబాలన్ నటిస్తున్న సంగతి తెలిసిందే. అయితే విద్యాబాలన్ ఆ పాత్ర చేయడానికి కొన్ని షరతులు విధించిందంట.
ఆ షరతులుకు టీం అంగీకరించిన తరువాతనే గ్రీన్ సిగ్నల్ ఇచ్చింది విద్యాబాలన్. అయితే ఆ షరతులు ఏమిటన్నవి ఇంకా తెలియలేదు. ఇది ఇలా ఉండగా ఈ సినిమా షూటింగ్ లో జాయిన్ అవ్వడానికి ఆమె ముంబై నుండి హైదరాబాద్ వచ్చారు. ముందుగా ఆమె పోర్షన్ ను దర్శకుడు క్రిష్ చిత్రీకరించనున్నట్టు సమాచారం.
బాలయ్య ప్రస్తుతం రాజకీయాల్లో బిజీగా ఉండటం వల్ల బాలయ్య - విద్య బాలన్ కాంబినేషన్లోని సన్నివేశాలను ఆ తరువాత షూట్ చేస్తారు. మొదటినుండి విద్యాబాలన్ కు బరువైన పాత్ర చేయడంలో ఆమెకు పెట్టింది పేరు. తను చేసిన ప్రతి పాత్ర తనదైన ప్రత్యేకతను చాటుకుంటూ వచ్చారు. అందువలన ఆమె కారణంగా బసవతారకం పాత్రకు మరింత నిండుదనం వస్తుందనే అభిప్రాయాలు వ్యక్తమవుతున్నాయి.