వరుణ్ తేజ్ ఇప్పుడు ఫుల్ ఫామ్ లో ఉన్నాడు. ఫిదా సినిమాతో సూపర్ హిట్ అందుకున్న వరుణ్ తేజ్ తొలిప్రేమతో బ్లాక్ బస్టర్ హిట్ అందుకున్నాడు. రెండు సినిమాల హిట్స్ తో దూసుకుపోతున్న వరుణ్ తేజ్ ప్రస్తుతం ఘాజి ఫెమ్ సంకల్ప్ రెడ్డి తో ఒక సినిమాని, అనిల్ రావిపూడి దర్శత్వంలో వెంకటేష్ తో కలిసి ఎఫ్ 2 అనే మల్టీస్టారర్ సినిమాలో నటిస్తున్నాడు. ఒకే టైం లో వరుణ్ తేజ్ ఈ రెండు సినిమాలను పూర్తి చేయనున్నాడు. ప్రస్తుతం రెండు సినిమాలు పట్టాలెక్కేశాయి. అయితే సంకల్ప్ రెడ్డి డైరెక్షన్ లో వరుణ్ తేజ్ నటించబోయే సినిమాలో వరుణ్ తేజ్ వ్యోమగామిగా నటిస్తున్నాడు.
‘అంతరిక్షం’ ఫైనల్..
సైన్స్‌ ఫిక్షన్ నేపథ్యంలో స్పేస్ డ్రామాగా తెరకెక్కుతున్న ఈ సినిమా టైటిల్ గా అంతరిక్షం అనే టైటిల్ ని పరిశీలిస్తున్నట్టుగా తెలుస్తుంది. ఇప్పటికే ఈ చిత్ర నిర్మాత రాజీవ్‌రెడ్డి ఈ టైటిల్ ని ఫిల్మ్ ఛాంబర్‌లో రిజిస్టర్ చేసినట్టు సమాచారం అందుతుంది. మరి ఫిదా, తొలిప్రేమ సినిమాల్లో లవర్ బాయ్ లా అదరగొట్టిన వరుణ్ తేజ్ ఇప్పుడు వ్యోమగామిగా అంతరిక్షంలో ఎలా అదరగొడతాడో చూడాలి. ఇక ఈ సినిమాలో వరుణ్ తేజ్ సమ్మోహనం ఫెమ్ అదితి రావు, లావణ్య త్రిపాఠీతో రొమాన్స్ చేయనున్నాడు. ఇక లావణ్య త్రిపాఠి తో కలిసి వరుణ్ తేజ్ ఇప్పటికే... మిష్టర్ సినిమాలో నటించాడు.