త్రివిక్రమ్ మ్యాజిక్ మరోసారి పనిచేసింది

త్రివిక్రమ్ సినిమాలకు ఓవర్సీస్ లో భారీ గిరాకీ ఉంటుంది. త్రివిక్రమ్ సినిమాలాంటే క్లాస్ ప్రేక్షకులకు బాగా నచ్చుతాయి. ఓవర్సీస్ లో త్రివిక్రమ్ సినిమాలకు ఎప్పుడూ అధిక ధరే పలుకుతుంది. త్రివిక్రమ్ సినిమాలంటే ఓవర్సీస్ ప్రేక్షకులు పడి చచ్చిపోతారు. ఫ్యామిలీ మొత్తం కలిసి కూర్చుని ఎంజాయ్ చేసే సినిమాలను త్రివిక్రమ్ తెరకెక్కిస్తారు. ఇక తాజాగా త్రివిక్రమ్ – అల్లు అర్జున్ కాంబోలో తెరకెక్కుతున్న అల వైకుంఠపురములో సినిమా షూటింగ్ శరవేగంగా జరగడమే కాదు.. సినిమా బిజినెస్ కూడా మొదలయ్యింది. ఇప్పటికే శాటిలైట్ హక్కులను భారీ ధరకు అమ్మేసిన నిర్మాతలు ఇప్పుడు ఓవర్సీస్ హక్కులను కూడా మంచి రేటుకి అమ్మేసినట్లుగా తెలుస్తుంది.

రూ.8.56 కోట్లకి హక్కులు…..

అల వైకుంఠపురములో ఓవర్సీస్ హక్కులకోసం గట్టి పోటీ నెలకొన్నప్పటికీ.. త్రివిక్రమ్ క్రేజ్ తో బ్లూ స్కయ్ సంస్థ 8.56 కోట్లకి అల వైకుంఠపురములో ఓవర్సీస్ హక్కులను దక్కించుకున్నట్టు సమాచారం. సంక్రాతి బరిలో దిగుతున్న అల్లు అర్జున్ సినిమా మీదకి మహేష్ సరిలేరు నీకెవ్వరూ సినిమా పోటీ కి వస్తున్నప్పటికీ.. త్రివిక్రమ్ క్రేజ్, క్రేజ్ ఉన్న హీరోయిన్స్ నటించడం, అలనాటి హీరోయిన్స్ ఈ సినిమాలో భాగమవడం, అల్లు అర్జున్ స్టామినాతో ఈ సినిమా హక్కులకు భారీ డిమాండ్ ఏర్పడి… చివరికి రూ.8.56 కోట్లకు బ్లూ స్కయ్ సంస్థ అలా వైకుంఠపురములో హక్కులను ఎగరేసుకుపోయింది.