రెండు రోజుల క్రితం హీరోయిన్ తమన్నాకి కి ఒక అమెరికా డాక్టర్ కం బిజినెస్ మ్యాన్ తో వివాహం జరగబోతుందంటూ మీడియాలో తమన్నా పెళ్లి వార్తలు తెగ హల్చల్ చేశాయి. ఇప్పటికే తమన్నా పేరెంట్స్.. ఆ వరుడు డాక్టర్స్ పేరెంట్స్ ఇద్దరూ మాట్లాడుకుని పెళ్లి డేట్ ఫిక్స్ చేయబోతున్నారని.. అసలిప్పటికే నిశ్చితార్ధం అయ్యిందని.. ఇలా రకరకాల వార్తలు సోషల్, వెబ్ మీడియాలో వచ్చాయి. ఇక పెళ్లిపై తర్వాత తమన్నా సినిమా లు కంటిన్యూ చేస్తుందా.. లేక అవకాశాలు లేవు కదా అని డాక్టర్ తో అమెరికాలో సెటిల్ అవుతుందా అంటూ రకరకాల న్యూస్ లు హల్చల్ చేశాయి కూడా. మరి ప్రస్తుతం తాను నటిస్తున్న తెలుగు క్వీన్ సినిమా పూర్తి కాగా.. సై రా నరసింహారెడ్డి వంటి బిగ్ ప్రాజెక్ట్ లో నటిస్తున్న తమన్నా... వెంకటేష్ సరసన ఎఫ్ 2 లో కూడా వన్ అఫ్ ద హీరోయిన్ గా నటిస్తుంది.. ఇక తాజాగా తన పెళ్లి వార్తలపై ఘాటుగా స్పందించింది.
తాను పెళ్లి చేసుకుంటున్నాననే వార్తల్లో ఏ మాత్రం నిజం లేదని... అసలు ఒకరోజు సినిమా హీరోని, మరోసారి క్రికెటర్ ని, ఇంకోసారి డాక్టర్ ని పెళ్లి చేసుకోబోతున్నానని వస్తున్న వార్తలను చూస్తుంటే నేనేదో పెళ్లికొడుకుల్ని షాపింగ్ చేస్తున్నట్టుగా ఉంది... అసలు నా పర్సనల్ విషయాల మీద ప్రూఫ్ లేని వార్తలు పుట్టిస్తే ఊరుకునేది లేదని.. అసలు నేను ఇప్పట్లో పెళ్లి చేసుకునే ఉద్దేశ్యం లేదు.. అలాగే నా పేరెంట్స్ కి కూడా పెళ్లి విషయంలో ఎలాంటి తొందర లేదు.. ఇక నేను చాలా సినిమాల్తో బాగా బిజీగా వున్నాను.. ఇప్పటి వరకైతే సినిమా లనే ప్రేమిస్తున్నాను... అంటూ తన ట్విట్టర్ సాక్షిగా ఆగ్రహం వ్యక్తం చెయ్యడమే కాదు.. తన పెళ్లి పుకార్లని ట్విట్టర్ లోని లెటర్ తో ఫుల్ స్టాప్ పెట్టింది. మరి ఎప్పుడు తన పెళ్లి వార్తలపై స్పందించని తమన్నా ఈసారి మాత్రం తెగ ఫైర్ అయ్యింది.
అయినా వయసొచ్చాక పెళ్లి చేసుకోవాలి గాని.. వయసైపోయినా పెళ్లి మాటెత్తితే ఇలా అంతెత్తున లేవడం అవసరమా.. ఏదో నాకు పెళ్లి కుదరలేదు.. అవన్నీ ఒట్టి పుకార్లే అంటూ స్పందిస్తే సరిపోయే దానికి... ఇంట పెద్ద లెటర్ అవసరమా తమన్నా అంటూ నెటిజెన్ల కామెంట్స్ చేస్తున్నారు.