హీరోయిన్స్ ని నమ్ముకున్న హీరో

సింగం వన్, టు తో హిట్స్ కొట్టిన హీరో సూర్య సింగం సీరీస్ లో లాస్ట్ వచ్చిన సింగం త్రీ ప్లాప్ అయ్యింది. అయితే సింగం సీరీస్ తెలుగులో పర్వాలేదనిపించింది.. తమిళంలో సూపర్ హిట్స్. అయితే గజినీ లాంటి సినిమాతో తెలుగు ప్రేక్షకులకు దగ్గరైన సూర్య తర్వాత వరస ప్లాప్స్ తో తెలుగులో మార్కెట్ కోల్పోయాడు. తన ప్రతి సినిమాని తమిళంతో పాటే తెలుగులోనూ విడుదల చేసే సూర్య కి ఇప్పుడు తెలుగులో సగానికి సగం మార్కెట్ పడిపోయింది. ప్రస్తుతం ఎన్ జికె సినిమా తో రేపు శుక్రవారం ప్రేక్షకుల ముందుకు రాబోతున్నాడు సూర్య.

అయితే ఎన్ జికె తెలుగులో 9 కోట్ల మేర ప్రీ రిలీజ్ బిజినెస్ చేసింది. అసలు సూర్య స్టార్ డం కి ఈ 9 కోట్లు చాలా చిన్న మొత్తం. కానీ వరస ప్లాప్స్ తో ఉన్న సూర్యకి ఆ 9 కోట్లు రావడమే అదృష్టం అన్నట్టుగా ఉంది. అయితే ఇప్పుడు ఎన్ జికె తెలుగులో ఎలాగైనా హిట్ అవుతుందని సూర్య ఆశిస్తున్నాడు. 7/జి బృందావన్ కాలనీ సినిమాతో పేక్షకులకు దగ్గరైన సెల్వ రాఘవన్ , ఫిదా, ఎంసీఏ సినిమాలో తెలుగు ప్రేక్షకులను మెస్మరైజ్ చేసిన సాయి పల్లవి క్రేజ్, తెలుగులో టాప్ హీరోస్ అందరితో నటించిన రకుల్ ప్రీత్ కూడా మరో హీరోయిన్ గా ఎన్ జికె లో నటించడంతో ఈ సినిమా మీద తెలుగు ప్రేక్షకుల్లో ఆసక్తి పెరుగుతుందని సూర్య భావిస్తున్నాడు. అలాగే ప్రస్తుతం క్రేజ్ లేని సూర్య ఎన్ జికె సినిమా విడుదలై హిట్ టాక్ పడితేనే కానీ… ఆ సినిమాకి పెట్టిన పెట్టుబడి రావడం కూడా కష్టమే. మహర్షి తర్వాత సరైన సినిమాలేక బోర్ కొడుతున్న ప్రేక్షకులు ఎన్ జికె మీద ఎంతో కొంత ఆసక్తి చూపిస్తున్నారు. కానీ ఎన్ జికె బుకింగ్స్ చూస్తే సినిమా మీద ప్రేక్షకుల్లో ఎంత ఆసక్తి ఉందొ తెలుస్తుంది.