సమంత రెమ్యూనరేషన్ ఎంతో తెలుసా..?

పెళ్లయిన తరువాత బ్యాక్ టు బ్యాక్ హిట్స్ అందుకున్న అక్కినేని సమంతకు ఈ ఏడాది కలిసొచ్చిందనే చెప్పాలి. యుటర్న్ లో నటన ద్వారా సీమరాజాలో కత్తి సాము ద్వారా ఆకట్టుకున్న సామ్ కి ఈ ఏడాది కూడా అచ్చోచింది. ముందు తమిళ్ లో సూపర్ డీలక్స్ తో బోణీ కొట్టేసిన సామ్ అందులో ఎవరూ ఊహించని పాత్ర చేసి షాక్ ఇచ్చింది. ఇక లేటెస్ట్ గా మజిలీ అనే సినిమా బ్లాక్ బస్టర్ ని తన ఖాతాలో వేసుకుంది. పెళ్లి తరువాత నాగ చైతన్య – సామ్ నటించిన మొదటి సినిమా కావడం విశేషం. మజిలీలో ఆమె పాత్ర వేరే ఏ హీరోయిన్ చేసినా అంత ఇంపాక్ట్ ఉండదేమో అన్నట్టు చేసింది.

మూడు కోట్లు అడుగుతున్నా…

ఇక త్వరలోనే నందినీరెడ్డి డైరెక్షన్ లో ఓ బేబీ, 96 రీమేక్ తో పాటు మన్మధుడు 2లో సమంత కనిపించనుంది. ఇలా సమంత కోసం నిర్మాతలు పెద్ద క్యు కడుతున్నారు. ఫిలింనగర్ టాక్ ప్రకారం సమంత ఇప్పుడు రెమ్యునరేషన్ 3 కోట్ల దాకా చెబుతోందట. పెళ్లి తరువాత ఏ హీరోయిన్ కి అయినా ఇంత క్రేజ్ ఉండదు కానీ సామ్ కు అంతకు మించి క్రేజ్ వచ్చింది. కాబట్టి నిర్మాతలు ఆమె ఎంత అడిగిన ఇవ్వడానికి రెడీగా ఉన్నారు. ఎందుకంటే ఆమెకి కూడా అనుష్కలా మార్కెట్ ఉంది కాబట్టి. ఆమె కోసమే ప్రేక్షకులు సినిమాలకి కూడా వెళ్తున్నారు కాబట్టి.