రీసెంట్ గా షూటింగ్ స్టార్ట్ చేసుకున్న #RRR నుండి రోజుకొక న్యూస్ వైరల్ అవుతుంది. రామ్ చరణ్ - ఎన్టీఆర్ నటిస్తున్న ఈసినిమా కోసం రెండు తెలుగు రాష్ట్రాలతో పాటు బాలీవుడ్ వారు కూడా వెయిట్ చేస్తున్నారు. షూటింగ్ స్టార్ట్ అయ్యి ఇంకా పది రోజులు కూడా కాకముందే ఈసినిమాకు ప్రీ రిలీజ్ బిజినెస్ జరుగుతుందని సమాచారం. అయితే రాజమౌళి మాత్రం ఇప్పుడే వద్దని రెండు మూడు నెలలు పోయిన తరువాత మంచి రోజు చూసుకుని అప్పుడు ప్రీ రిలీజ్ బిజినెస్ స్టార్ట్ చేద్దాం అని చెప్పాడట.
ఈసినిమా అనౌన్స్ చేసిన దగ్గర నుండి ఈ సినిమా స్టోరీ ఏమైవుంటది అని..చరణ్ - తారక్ ల పాత్రలు ఎలా ఉండబోతున్నాయి అని అందరిలోనూ ఆసక్తి నెలకుంది. అయితే విశ్వసనీయ సమాచారం మేరకు ఇందులో తారక్ బందిపోటు దొంగగా చరణ్ పాత్ర అతన్ని పట్టుకోవడానికి నియమింపబడ్డ పోలీస్ ఆఫీసర్ గా ఉంటుందని తెలిసింది. ఇండియాకు స్వాతంత్రము రాకముందు 1920 నాటి కాలంలో జరిగే కథగా చూపించనున్నాడు జక్కన్న. ఎన్టీఆర్ లుక్ ఇందులో చాలా కొత్తగా ఉంటుందని చెబుతున్నారు. ప్రస్తుతం రామ్ చరణ్ - ఎన్టీఆర్ ల మధ్య హై ఓల్టేజ్ యాక్షన్ సీక్వెన్స్ ను చిత్రీకరిస్తున్నారు.
ఇద్దరు దేశ భక్తి మెండుగా ఉంటూనే బానిస సంకెళ్ళ నుంచి దేశానికి విముక్తి కలిగించడం కోసం ట్రై చేస్తూ ఉంటారు. ఒక టైములో ఇద్దరు ఒక్కటై బ్రిటిష్ సామ్రాజ్యం మీద తిరుగుబాటు జెండా ఎగురవేయడం సినిమాలోని మెయిన్ థీమ్ అని టాక్. మరి ఇది నిజమో కాదో తెలియదు కానీ నిజమే అనే ప్రచారం అయితే జరుగుతుంది. రామ్ చరణ్ - ఎన్టీఆర్ ల పేరుల తప్ప ఇతర నటీనటులను ఇంకా ఎంపిక చేయలేదు రాజమౌళి. 2020 లో సమ్మర్ ఈసినిమా మన ముందు కు రానుంది.