హీరోగా కెరియర్ ను స్టార్ట్ చేసి.. బోయపాటి 'లెజెండ్' సినిమాతో విలన్ పాత్రలు చేయడం స్టార్ట్ చేసి ఇండస్ట్రీలో మోస్ట్ వాంటెడ్ విలన్ గా మారాడు జగపతి బాబు. తనదైన నటనతో ప్రేక్షకులని కట్టి పడేస్తున్నాడు జగ్గు. రీసెంట్ గా 'అరవింద సమేత' లో మ‌రోసారి తన న‌ట విన్యాసం చూపించాడు. తన కెరియర్ లో బ‌సి రెడ్డి పాత్ర బెస్ట్ గా నిలిచిపోయేలా చేశాడు.
బాలీవుడ్ లోకి....
ప్రస్తుతం తెలుగులో కొన్ని సినిమాల్లో నటిస్తున్న జగ్గూభాయ్ దృష్టి ఇప్పుడు ఇతర భాషా చిత్రాల‌పై ప‌డింది.తమిళ,కనడ చిత్రాలు కొన్ని ఒప్పుకున్న జగ్గూ రీసెంట్ గా ఓ బాలీవుడ్ మూవీ చేయడానికి రెడీ అయ్యాడు అంట. తెలుగులో మెగా స్టార్ చిరంజీవి 'సైరా' లో కీలక పాత్ర లో కనిపించనున్నాడు జగ్గూ.. దాని సంబంధించి కొన్ని విషయాలు మీడియాతో పంచుకున్నాడు.
సైరాలో తన పాత్రపై......
'సైరా' లో నేను చేసిన పాత్ర చాలా విభిన్నమైన‌ది. ఇందులో నా గెటప్ కూడా చాలా కొత్తగా ఉంటుంది. ఈ పాత్ర ఓ రకంగా నాకు ఛాలెంజ్‌. అయితే ఈ పాత్ర ఏంటనేది మాత్రం నేను ఇప్పుడే చెప్పను దానికి ఇంకా సమయం ఉంది. నటుడుగా రామ్ చరణ్ బిజీగా ఉంటూ ప్రొడ్యూసర్ గా నిర్మాణ బాధ్యత‌ల్ని నెత్తిమీద పెట్టుకున్నాడు.
గర్వంగా ఉందంటూ......
చరణ్ ని చూస్తుంటే నాకు గర్వంగా..ఆనందంగా ఉందని చరణ్ కు కితాబిచ్చాడు జగ్గూభాయ్. నిజానికి జగపతిబాబు చిరంజీవి 'ఖైదీ నెం.150’లో నటించాల్సిఉంది కానీ కొన్ని కారణాలు వల్ల అది వర్క్ అవుట్ అవ్వలేదు కానీ ఈసారి మాత్రం కరెక్ట్ గా సెట్ అయింది. మరి అతని పాత్ర సినిమాలో ఎలా ఉండబోతుందో చూడాలి.