రామ్ చరణ్ సినిమాపై శంకర్ క్లారిటీ?

ఈ రోజు మెగా ఫాన్స్ ఒక్కసారిగా ఉలిక్కి పడ్డారు. కారణం దర్శకుడు శంకర్ రామ్ చరణ్ మూవీ ని పక్కనబెట్టి.. బాలీవుడ్ హీరో రణవీర్ సింగ్ తో అపరిచుతుడు రీమేక్ చెయ్యబోతున్నాడు అనే ఆఫీషియల్ న్యూస్ చూసిన మెగా ఫాన్స్ కి ఒక్కసారిగా ఒణుకుపుట్టింది. కారణం రామ్ చరణ్ తో శంకర్ పాన్ ఇండియా మూవీ జులై కానీ ఆగష్టు నుండి కానీ పట్టాలెక్కాల్సి ఉంది. అసలే ఈ మధ్యన కారణాలు లేకుండా దర్శకులు హీరోల సినిమాలు మారిపోతున్నాయి. అలాంటిదే ఇప్పుడు చరణ్ విషయం లో కూడాజరిగిందేమో.. శంకర్ బాలీవుడ్ స్టార్ హీరో రణవీర్ సింగ్ కి మొగ్గు చూపి అధికారిక ప్రకటన ఇచ్చేసాడని దిగులుపడ్డారు.

అయితే దర్శకుడు శంకర్ – రణవీర్ – పెన్ మూవీస్ కాంబోలో అపరిచితుడు రీమేక్ అనేది కరెక్ట్. అందులో మెగా ఫాన్స్ ఫీలవ్వాల్సింది ఏం లేదు అన్నట్టుగా దర్శకుడు శంకర్ మెగా క్లారిటి ఇచ్చాడు. అది రణవీర్ సింగ్ తో తాను కథ చర్చల్లో పాల్గొన్న ఫొటోస్ తో పాటుగా. రణవీర్ సింగ్ తో తన అపరిచితుడు మూవీ 2022 మిడ్ నుండి ఉండబోతుంది అని క్లారిటీ ఇచ్చేసాడు. అంటే జులై నుండి రామ్ చరణ్ – శంకర్ కాంబో పాన్ ఇండియా మూవీ మొదలై వచ్చే ఏడాది మే కల్లా పూర్తి చేసి విడుదల చేసి ఆ తర్వాత దర్శకుడు శంకర్ రణవీర్ సింగ్ తో అపరిచితుడు మూవీ చేస్తాడన్నమాట