నాగార్జున చేతిలో పడడం అదృష్టం!!

నటుడుగా అవకాశాలు లేని రాహుల్ రవీంద్ర దర్శకత్వం పై దృష్టి పెట్టాడు. మొదటి సినిమా చి.ల.సౌ తోనే హిట్ కొట్టాడు. సుశాంత్ హీరోగా చేసిన చి.ల.సౌ సినిమాతో రాహుల్ కి మంచి పేరొచ్చింది. డీసెంట్ లవ్ స్టోరీగా తెరకెక్కిన ఆ సినిమా అడివి శేష్ గూఢచారితో పోటీ పడడంతో.. హిట్ అయినా కలెక్షన్స్ సాధించలేదు. ఇక రెండో సినిమాకే నాగార్జున లాంటి హీరో ఆఫర్ ఇవ్వడం.. నాగ్ తో మన్మధుడు 2 ని పట్టాలెక్కించిన రాహుల్.. వాయు వేగంగా మన్మధుడు 2 ని చుట్టేశాడు. షూటింగ్ కంప్లీట్ చేసుకున్న మన్మధుడు ఆగష్టు 9 న విడుదలకబోతుంది. నాగార్జున చేతిలో పడిన రాహుల్ కి దర్శకుడిగా పేరు రావడం ఖాయం. మన్మధుడు 2 ని బోల్డ్ కంటెంట్ అంటే.. రొమాంటిక్ అండ్ లిప్ కిస్ సీన్స్ తో యూత్ ని ఆకట్టుకునేలా ఈ సినిమాని తీసాడనేది మన్మధుడు 2 టీజర్స్ తో అర్ధమయ్యింది.

నాగ్ కున్న క్రేజ్ తో…..

అయితే రాహుల్ కి నాగార్జున తగలడం ఒక ఎత్తు అయితే.. ఇప్పుడుఈసినిమా బిజినెస్ పరంగాను నాగ్ క్రేజ్ తో రాహుల్ కి కలిసొచ్చింది. నాగార్జున – జెమిని కిరణ్ నిర్మాతలుగా మన్మధుడు 2 తెరకెక్కింది. మరి నాగ్ వ్యాపార పరంగా ఎంతగా స్ట్రీట్ గా ఉంటాడో తెలుసు. ఇక సినిమాని బిజినెస్ చేయడంలోనూ నాగ్ నేర్పరి. తాజాగా మన్మధుడు 2 నాన్ థియేట్రికల్ రైట్స్ ని నాగ్ 24 కోట్ల మేర అమ్మేసాడనే టాక్ వినబడుతుంది. మన్మధుడు 2 శాటిలైట్, డిజిటల్ అండ్ హిందీ రైట్స్ ని 24 కోట్లమేర బిజినెస్ చేసినట్లుగా తెలుస్తుంది. మరి రాహుల్ రెండో సినిమాకే ఈ రేంజ్ నాన్ థియేట్రికల్ రైట్స్ అమ్ముడు పోవడం మాత్రం ఖచ్చితంగా నాగ్ క్రేజే కారణం. మరి రెండో సినిమాకే ఇలాంటి భారీ బిజినెస్ జరగడం రాహుల్ దర్శకత్వ కెరీర్ కి బలమే. ఈ రేంజ్ లో థియేట్రికల్ బిజినెస్ కూడా జరిగితే రాహుల్ మూడో సినిమా భారీ బడ్జెట్ తో నిర్మించొచ్చు. మరి బిజినెస్ కి సరిపోయే లా మన్మధుడు 2 హిట్ కావాలి కదా..!