అబ్బా…పవనే లేట్ చేస్తే ఎలా?

పవన్ కళ్యాణ్ డబ్బులు కోసం సినిమాల్లోకి రీ ఎంట్రీ ఇచ్చి వరసగా సినిమాలు ఒప్పేసుకుని… బిజీ బిజీ గా షూటింగ్ చేసేసాడు. వరసగా సినిమాలు విడుదల చేద్దామనుకుంటే.. కరోనా అడ్డం పడింది. అసలు రాజకీయాలతో బిజీగా ఉన్న టైం లోనే పవన్ కళ్యాణ్ షూటింగ్ ని పరిగెత్తించాడు. ఇక కరోనా తో అటు రాజీకీయాలు లేవు. ఇటు సినిమా షూటింగ్స్ లేవు. అయితే తాజాగా తెలంగాణ ప్రభుత్వం షూటింగ్స్ కి అనుమతి ఇవ్వడానికి రెడీ గా ఉండడంతో మరో 20 నుండి 25 రోజులు షూటింగ్ మిగిలిఉన్న పవన్ కళ్యాణ్ వకీల్ సాబ్ మళ్లీ వెంటనే పట్టాలెక్కి షూటింగ్ పూర్తి చేసుకుంటుంది… థియేటర్స్ లో మొదటగా వచ్చే మూవీ వకీల్ సాబ్ అన్నారు.

కానీ తాజాగా పవన్ కళ్యాణ్ షూటింగ్ కి కొంత విరామం కావాలని దిల్ రాజు ని అడిగినట్లుగా.. ఇప్పటికే వేణు శ్రీరామ్ తో పవన్ మాట్లాడినట్లుగా వార్తలొస్తున్నాయి. పవన్ కళ్యాణ్ కొంచెం లేటుగా షూటింగ్ లో జాయిన్ అవుతానని చెప్పినట్లుగా ఫిలింనగర్ న్యూస్. జూన్ మొత్తం విరామం తీసుకుని జులై లో పవన్ కళ్యాణ్ వకీల్ సాబ్ సెట్స్ మీదకెళ్తాడట.. ఇక దిల్ రాజు కూడా హడావిడి ఎం లేదు.. ఎలాగూ వకీల్ సాబ్ ని దసరా కి తేవాలనే యోచనలో పవన్ అడిగిన వెంటనే ఓకె చెప్పేసాడని అంటున్నారు. సో వకీల్ సాబ్ ఇప్పట్లో లేనట్లే అన్నమాట.