సినిమాను ఎనౌన్స్ చేసినప్పటి నుండి ఏదొక సమస్య వస్తూనే ఉంది. బాలయ్య ఎన్టీఆర్ బయోపిక్ ఎంత ముందుకు తీసుకుని వెళదాం అనుకున్న అది అంత వెనక్కు జరుగుతుంది. బాలయ్య ఉన్న కూడా ఇబ్బందులు తప్పడం లేదు. ఇక బాలయ్య ఫైనల్ గా ఈ బయోపిక్ స్పీడ్ ను పెంచే విధంగా ముందుకు సాగుతున్నాడు.
ఆల్రెడీ స్క్రిప్ట్ వర్క్ ఫినిష్ చేసారు బాలయ్య. అయితే ఈ సినిమా నుండి తేజ తప్పుకోవడంతో ఈ బయోపిక్ ను డైరెక్ట్ చేసే అవకాశం క్రిష్ కి దక్కింది. బాలయ్య 100వ సినిమాను తన జీవితంలో గుర్తిండిపోయే హిట్ ఇచ్చిన క్రిష్ ను బాలయ్యే సెలెక్ట్ చేసినట్టు తెలుస్తుంది. ఆల్మోస్ట్ క్రిష్ ఫైనల్ అయ్యాడని ఫిలింనగర్ టాక్. అయితే ఈ సినిమాలో చంద్రబాబు పాత్రను చేయడానికి రానాను ఫిక్స్ చేశారు.
రానా సింగిల్ సిట్టింగ్ లో గ్రీన్ సిగ్నల్ ఇచ్చేశాడట. మరో ఇంట్రెస్టింగ్ పాత్ర కోసం బాలయ్య శర్వానంద్ ని ఒకే చేసినట్టు సమాచారం. ఈ బయోపిక్ లో ఎన్టీఆర్ యంగ్ ఏజ్ లో ఉన్న పాత్ర చేసేందుకు శర్వానంద్ ని ఫైనల్ చేసినట్లు తెలుస్తోంది. యంగ్ ఏజ్ లో ఎన్టీఆర్ సన్నంగానే ఉండేవాడు. అంటే ఆ ఏజ్ మాదిరిగా బాలయ్య కనిపించాలి అంటే కష్టం, సన్నాబడాలని ట్రై చేసినా కూడా సమయం సరిపోదు. అందుకే ఆ పాత్రకు శర్వానంద్ అయితే బాగుంటాడని అతని సెలెక్ట్ చేసినట్టు సమాచారం.