గత కొంతకాలం నుండి రకుల్ ప్రీత్ సింగ్ టాలీవుడ్ లో ఎందుకో కనిపించడం మానేసింది. ఒక్కప్పుడు తెలుగులో స్టార్ట్ హీరోల సరసన నటించిన రకుల్ జోరు ఈ మధ్య తగ్గిపోయింది. ఇక్కడ సినిమాలు సక్సెస్ అవ్వకపోవడంతో కోలీవుడ్ కు చెక్కేసింది. అక్కడ అమ్మడుకు బాగానే కలిసొచ్చింది. గత ఏడాది కార్తీ సరసన 'ఖాకీ' సినిమాలో నటించింది. అక్కడ అది ఘన విజయం సాధించింది. దీంతో ఆమెకు కార్తీ మరో సినిమాలో కూడా ఛాన్స్ వచ్చింది. అలానే సూర్య పక్కన 'ఆర్జికె' లో కూడా ఛాన్స్ కొట్టేసింది రకుల్. అంతేకాదు శివ కార్తికేయన్ తో ఓ సినిమా చేస్తుంది. ఇలా కోలీవుడ్ నుండి మంచి ఆఫర్స్ రకుల్ చేతిలో ఉన్నాయి. కోలీవుడే కాదు బాలీవుడ్ లో కూడా రకుల్ అజయ్ దేవగన్ సరసన 'దే దే ప్యార్ దే' లో ఛాన్స్ కొట్టేసింది.
జీరో సైజ్ కోసం...
అంతా బాగానే ఉంది కానీ రకుల్ శరీరంలో ఈ మధ్య విపరీతమైన మార్పు కనిపిస్తోంది. డైలీ గంటల తరపడి జిమ్ లో వర్కవుట్స్ చేయడం... దీంతో ఆమె మొహంలో గ్లో పోతోంది. జీరో సైజు కోసం ఈ బ్యూటీ మరీ పీలగా అవ్వడంతో అభిమానులకు నచ్చడం లేదు. సోషల్ మీడియాలో ఆమెపై నెగటివ్ కామెంట్స్ కూడా వస్తున్నాయి. హీరోయిన్స్ కొద్దిగా బొద్దుగా ఉంటేనే మొహంలో గ్లోతో పాటు ఆకర్షణ ఉంటుంది. మరీ ఇలా ఉంటె ఆఫర్స్ రావడం కూడా కష్టమే. మరి రకుల్ ఏం చేస్తుందో చూడాలి.