టాలీవుడ్ బ్యూటిఫుల్ కపుల్ నాగ చైతన్య - సమంత ల వివాహం గత అక్టోబర్ లోనే జరిగినా.. ఇప్పటికీ వీరిని ఇంకా కొత్త జంటగానే చూస్తుంది మీడియా. అంతేగా మరి... కొన్ని రోజులు స్నేహం, మరి కొని రోజుల ప్రేమ, ఎవ్వరికీ అనుమానమే రాకుండా మెయింటైన్ చేసిన ఈ జంట మీడియాకి దొరకడం, ఎంగేజ్ మెంట్ , పెళ్లి విషయాల్లో ఏ జంట హైలెట్ కానంతగా హైలెట్ అయ్యింది. ఇక పెళ్లి తర్వాత కూడా ఎవరి సినిమాల్లో వారు బిజీగా మారిపోయారు. సమంత తాజా చిత్రం రంగస్థలం హిట్ కాగా... మహానటి సినిమా విడుదల కావాల్సి ఉంది. అలాగే సమంత మరో మూవీ కూడా ప్రస్తుతం షూటింగ్ దశలో ఉంది.
టైం వేస్ట్ చేయం.....
పెళ్లి తర్వాత కూడా గ్లామర్ పాత్రలతో రెచ్చిపోతున్న సమంత ముద్దు సీన్లకి కూడా మొహమాట పడడం లేదు. కథ డిమాండ్ చేస్తే ముద్దు సీన్స్ కి కూడా రెడీ అంటుంది. అయితే గ్లామర్ పాత్రలకు, ముద్దు సీన్స్ కి మీ భర్త నుండి ఎటువంటి అభ్యంతరాలు రావా అని సమంతని ప్రశ్నించగా.. అసలు సమంత సినిమాల స్క్రిప్ట్ గురించిన డిస్కషన్ చైతు దగ్గర తియ్యదట. అసలు ఇద్దరు వున్నప్పుడు వారే సినిమాల్లో నటిస్తున్నారో.. ఆయా సినిమాల్లో వారి పాత్రల గురించిన డిస్కషన్స్ పెట్టి టైం వెస్ట్ చేయడం.. అస్సలు నచ్చదని చెబుతుంది సమంత.
కష్టపడి పనిచేస్తాడు.....
అలాగే సినిమా ప్లాప్ అయినప్పుడు కూడా ప్రశాంతంగా, ధైర్యం గా ఉండడం నాగ చైతన్య ని చూసే నేర్చుకున్నానని చెబుతుంది సామ్. చైతూ... ప్రతీ సినిమా కోసం నూటికి నూరు శాతం కష్టపడి పనిచేస్తాడు. సినిమా ఫ్లాపయినా పట్టించుకోడు. ఎందుకు అని అడిగితే... మనం ఫీలవుతున్నామని ఆడియెన్స్ వెళ్లి సినిమాలు చూడరు కదా....అంటూ నవ్వేస్తాడు... అంటూ చైతు ని చూసి తానెంతో నేర్చుకున్నాని చెబుతుంది ఈ చైతు ముద్దుల భార్య సమంత.