'భరత్ అనే నేను' సక్సెస్ తర్వాత మహేష్ తన ఫ్యామిలీతో ఫారెన్ టూర్ వెళ్లి ఎంజాయ్ చేస్తున్నాడు. ఈ టూర్ నుండి తిరిగి రాగానే తన నెక్ట్ మూవీ కోసం తన బాడీపై శ్రద్ద పెట్టనున్నాడు మహేష్. జూన్ నుండి వంశీ పైడిపల్లి సినిమా షూటింగ్ లో పాల్గొననున్నాడు. వంశీ రెండేళ్ల కిందటే మహేష్ కు ఈ స్టోరీ చెప్పాడంట. కానీ అంతకుముందే కొరటాలతో 'భరత్ అనే నేను' ఒప్పుకోవడంతో ఆ సినిమా చేయాల్సి వచ్చింది.
సినిమా ఆపాలన్న కోర్టు..
వంశీ గత చిత్రం 'ఊపిరి' పీవీపీ బ్యానర్ లో చేశాడు. ఈ సినిమా టైంలోనే పీవీపీ యాజమాన్యం వంశీకి అడ్వాన్స్ ఇచ్చి మరో సినిమాను కూడా వాళ్ల బ్యానర్ లోనే తీయడానికి ఒప్పందం చేసుకున్నారు. వంశీ - మహేష్ కాంబినేషన్ లో తెరకెక్కే మూవీ తమ బ్యానర్ లోనే తీయాలంటూ.. తమతోనే వంశీ ఒప్పందం చేసుకున్నాడని పీవీపీ బ్యానర్ కోర్టుకెక్కింది. లేటెస్ట్ గా కోర్ట్ ఈ వివాదం తేలేవరకు మహేష్ - వంశీ సినిమా ఆపాలని నోటీసులు ఇచ్చింది.
మొదలైన చర్చలు...
అయితే ప్రస్తుతం ఈ సినిమాకు నిర్మాతలుగా ఉన్న దిల్ రాజు, అశ్వినీదత్ లు రంగంలోకి దిగి పీవీపీతో చర్చలు జరుపుతున్నారట. తమతో పాటు పీవీపీ కి కూడా మహేష్ సినిమాకు నిర్మాతలుగా చేర్చుకునే ప్రయత్నాలు కొనసాగుతున్నాయట. అయితే దీనిపై అధికారిక ప్రకటన రావలసి ఉంది.