మహేష్ బాబు - వంశీ పైడిపల్లి కాంబోలో మొదటిసారిగా తెరకెక్కుతున్న మహర్షి సినిమా ఫస్ట్ లుక్ లో మహేష్ లుక్ కి మంచి ఆదరణ లభించింది. 40 ఏళ్ళ వయసులోనూ ఇప్పటికీ కుర్రాడిలా సారి సారి స్టూడెంట్ లుక్ లో మహేష్ బాబు అదరగొట్టేసాడు. అభిమానుల అనడం కాదు గానీ నిజంగానే మహేష్ లుక్ కి మంచి రెస్పాన్స్ ప్రేక్షకుల నుండి వచ్చింది. దిల్ రాజు, పీవీపీ, అశ్వినీదత్ లాంటి హేమాహేమీ నిర్మాతలు నిర్మిస్తున్న ఈ సినిమాపై ట్రేడ్ లోనూ భారీ క్రేజ్ ఉంది. వంశీ పైడిపల్లి తనకు మహేష్ ఇచ్చిన ఈ అవకాశాన్ని సద్వినియోగం చేసుకుని స్టార్ డైరెక్టర్ అనిపించుకోవాలని ఈ సినిమాని చాలా క్రేజీగా తెరకెక్కిస్తున్నాడు. అయితే మహేష్ బాబు ఈ సినిమాపై అనేకరకాల కథలు ప్రచారంలో ఉన్నాయి. మహేష్ బాబు ఎంబీఏ స్టూడెంట్ గా ఉన్నప్పుడు రవి (అల్లరినరేష్) తో స్నేహం చెయ్యడం.. తర్వాత మహేష్ బాబు విదేశాలకి వెళ్లిపోయి.. మళ్లి స్నేహితుడు రవి ఉన్న పరిస్థితులు తెలుసుకుని ఇండియా రావడం.. స్నేహితుడు రవికి హెల్ప్ చేసే విషయమై రైతులకి అండగా నిలబడడం అనే కాన్సెప్ట్ తో ఈ సినిమా తెరకెక్కుతోందని సోషల్ మీడియాలో ప్రచారం జరుగుతుంది.
పాత్ర ఒక్కటే..పేర్లు రెండు...
ఇక ఈ సినిమాలో మహేష్ బాబు పేరు రిషి అని రివీల్ అయిన సంగతి తెలిసిందే. అయితే మహేష్ ఈ సినిమాలో మహర్షి అండ్ రిషి గా కూడా నటిస్తున్నాడట. అంటే రిషి గా విదేశాల్లో ఉండే మహేష్ ఇండియాలో స్నేహితునికి సహాయం చేసే క్రమంలో మహర్షిగా మారతాడనే టాక్ ఇప్పుడు సోషల్ మీడియాలో, ఫిలింనగర్ లో చక్కర్లు కొడుతున్న మహర్షి మూవీ లేటెస్ట్ అప్ డేట్. మరి మహేష్ బాబు డ్యూయెల్ రోల్ ప్లే చెయ్యకపోయినా.. రిషి గా ఒక వేరియేషన్ మహర్షి గా మరో వేరియేషన్ చూపిస్తాడన్నమాట. ఇక ఈ సినిమా లో పూజ హెగ్డే హీరోయిన్ గా నటిస్తుంది.
ఉగాది కానుకగా విడుదల...
ప్రస్తుతం శరవేగంగా షూటింగ్ జరుపుకుంటున్న మహర్షి సినిమాకి దేవిశ్రీ ప్రసాద్ సంగీతం అందిస్తున్నాడు. ఇక మహేష్ కూడా అస్సలు రిలాక్స్ అవ్వకుండా ఈ సినిమా షూటింగ్ లో పాల్గొంటున్నాడు. ఇకపోతే మహర్షి సినిమా వచ్చే ఏడాది ఏప్రిల్ లో ఉగాది కానుకగా విడుదలకబోతుంది.