కంగనా కొట్టిందిగా

బాలీవుడ్ ఫైర్ బ్రాండ్ కంగనా రనౌత్ పేరు వింటేనే చాలామందికి వెన్నులో ఒణుకు పుడుతుంది. కారణం కంగనా రనౌత్ ఎవరిని టార్గెట్ చేసి మాట్లాడుతుందో ఎవరికీ తెలియదు. కానీ ఒక్కసారి టార్గెట్ చేసిందిగా అంటే అస్సలు వదలదు.. వాళ్ళని ఏళ్ళ తరబడి వెంటాడుతూనే ఉంటుంది. మణికర్ణికా సినిమాతో వివాదాలకు నెలవుగా మారిన కంగనా ఇప్పుడు పంగా అనే లేడి ఓరియెంటెడ్ మూవీ తో నేడు ప్రేక్షకుల ముందుకు వచ్చింది. ఆ సినిమా లో కంగనా జయ పాత్రలో చెలరేగి పోయింది. అశ్వినీ అయ్యర్ తివారీ దర్శకత్వంలో తెరకెక్కిన ఈ పంగా సినిమా కి హిట్ టాక్ పడినట్లే కనబడుతుంది. మరి ఈ సినిమా కోసం కబడ్డీ లో రెండు నెలల శిక్షణ కూడా పొందింది.

ఇంతకీ పంగా కథ అందరికి తెలిసిందే. కబడ్డీలో అదరగొట్టే జయ… అందరి మన్ననలు అందుకుంటూ టాప్ పొజిషన్ లో ఉన్నప్పుడు పెళ్లి చేసుకుని బిడ్డని కన్నాక ఆ గుర్తింపు పోవడంతో పాటుగా కనీసం తన ఆట గురించి కానీ తన గురించి కానీ ఎవరూ పట్టించుకోకపోవడంతో. కలత చెందిన జయ మళ్ళీ కబడ్డీ ఆడి గెలవాలని పట్టుదలతో ఉండడంతో.. తన కుటుంబం కూడా జయకి సపోర్ట్ చెయ్యడంతో.. జయ మళ్ళీ తిరిగి కబడ్డీ ఆట మొదలుపెడుతుంది. మరి జయ ఆ వయసులో మళ్ళీ కబడ్డీలో సక్సెస్ సాధించింది. ఆ క్రమంలో జయ ఎదుర్కున్న సమస్యలేమిటో? అనేది మిగతా కథ. మరి ఈ సినిమాని అందరు ఆడవాళ్ళూ చూసి ఇన్స్పైర్ అవ్వాలని.. సినిమా అందరి హృదయాలకు హత్తుకుంటుంది అని పంగా చూసిన ప్రేక్షకులు చెబుతున్న మాట.