కాజల్ చెప్పినట్లు జరిగితే… ఆల్ హ్యాపీస్..!

సీత మూవీ ప్రమోషన్స్ లో కాజల్ అగర్వాల్ కేవలం సీత గురించి మాత్రమే కాదు.. ఇంకా చాలా విషయాలు మీడియాతో పంచుకుంటుంది. సీత సినిమా కోసం తానెంత శ్రమించానో చెబుతున్న కాజల్ ని మీడియా మిత్రులు కాజల్ నటించబోయే భారతీయుడు 2 సినిమా విషయాలు అడగగా.. దానికి కాజల్ అగర్వాల్ తాను కూడా ఆ సినిమా షూటింగ్ మళ్లీ ఎప్పుడు మొదలవుతుందా అని వెయిట్ చేస్తున్నానని… భారతీయుడు 2 ఆగిపోయింది అని జరిగే ప్రచారంలో నిజం లేదని చెబుతుంది. భాతీయుడు 2 సినిమా కచ్చితంగా ఉంటుందని చెబుతుంది కాజల్.

కమల్ బిజీగా ఉండటంతో

కమల్ హాసన్ వలన భారతీయుడు 2 షూటింగ్ ఆగిపోయింది, నిర్మాతల వలన సినిమా షూటింగ్ కి బ్రేక్ వచ్చింది అనే ప్రచారంలో నిజం లేదని…. కమల్ సర్ ఎన్నికల్లో బిజీగా ఉండడం వల్లనే భారతీయుడు 2 సినిమా షూటింగ్ కి బ్రేక్ ఇచ్చారని.. మళ్లీ జూన్ నుండి భారతీయుడు 2 సెట్స్ మీదకెళుతుందని.. ఎప్పుడెప్పుడు భారతీయుడు 2 షూటింగ్ లో పాల్గొంటానో అనే క్యూరియాసిటీతో ఉన్నానని చెబుతుంది. మరి నిజంగానే కాజల్ అగర్వాల్ చెప్పినట్లుగా భారతీయుడు 2 మళ్లీ మొదలైతే అటు శంకర్, ఇటు నిర్మాతలు అలాగే కమల్ హాసన్ అభిమానులు అందరూ ఆల్ హ్యాపీస్.