వావ్.. నానిలో ఈ యాంగిల్ కూడానా..?

నాని నేచురల్ స్టార్ గా ఒక్కో మెట్టూ ఎక్కుతూ మీడియం రేంజ్ లోనే స్టార్ స్టేటస్ అందుకున్నాడు. నాని మీద పెట్టుబడి పెడితే.. సినిమాకి యావరేజ్ పడినా చాలు… మన డబ్బు మనకి వస్తుంది అనే భరోసా దర్శకనిర్మాతలలో కలిగించాడు. అలాగే ఎంసీఏ సినిమాకు ఫ్లాప్ టాక్ పడినా.. ఆ సినిమాకి దిల్ రాజు లాభాలు మూటగట్టుకున్నాడు. ఇక నాని మాస్ యాంగిల్ ట్రై చేసినా పెద్దగా సక్సెస్ కాలేదు. లవర్ బాయ్ గా, క్లాస్ మూవీస్ లో మెప్పించిన నాని ఇంద్రగంటి మోహనకృష్ణ దర్శహకత్వంలో తెరకెక్కించిన జంటిల్ మెన్ సినిమలో రెండు షేడ్స్ ఉన్న పాత్రల్లో చెలరేగిపోయి నటించాడు. ఇక హీరోగా ఫ్లాప్స్ తో సంబంధం లేకుండా వరుస సినిమాలను లైన్ లో పెడుతున్న నాని.. ప్రస్తుతం సెట్స్ మీదున్న జెర్సీ షూటింగ్ పూర్తి కావోస్తుండగా… రీసెంట్ గా విక్రమ్ కుమార్ దర్శకత్వంలో మరో సినిమాని లాంచ్ చేసాడు.

విలన్ గా కనిపించనున్న నాని

ఇక నాని 25వ సినిమా కూడా సెట్ అయ్యింది. అది ఇంద్రగంటి మోహనకృష్ణ దర్శకత్వంలో ఉండబోతుంది. అయితే ఇంద్రగంటి డైరెక్షన్ లో నాని హీరోగా దిల్ రాజు బ్యానర్ లో తెరకెక్కబోయే ఆ సినిమా ఆగిపోయిందనే న్యూస్ ఆ మధ్యన చక్కర్లు కొట్టింది. తాజాగా నాని – ఇంద్రగంటి సినిమా పట్టాలెక్కబోతుందని.. ఇదో మల్టీస్టారర్ సినిమాగా ఉండబోతుంది. ఇక నాని ఈ సినిమాలో నెగెటివ్ షేడ్స్ లో అంటే విలన్ గా కనిపిస్తాడని టాక్ ఫిలిం సర్కిల్స్ లో వినబడుతుంది. ఈ సినిమాలో సుధీర్ బాబు హీరోగా పోలీస్ ఆఫీసర్ పాత్రలో కనిపిస్తాడని అంటున్నారు. మరి నాని ఇప్పటివరకు చేసిన పాత్రలు ఒక ఎత్తు.. ఇప్పుడు ఇంద్రగంటి సినిమాలో విలన్ గా చేస్తే ఆ పాత్ర మరో ఎత్తు అవుతుందని.. అందుకే నాని ఆ నెగెటివ్ రోల్ ని ఒకే చేసాడని అంటున్నారు. అయితే ఈ విషయంలో పూర్తి స్పష్టత రావాల్సి ఉంది. త్వరలోనే నాని – ఇంద్రగంటి – దిల్ రాజుల ఈ క్రేజీ ప్రాజెక్ట్ మొదలవుతుందని అంటున్నారు.