ఆ టైటిల్ వద్దు బాలయ్యా అంటున్న ఫాన్స్!!

బాలకృష్ణ – బోయపాటి కాంబోలో ఇంతకుముందు తెరకెక్కిన సింహ కానివ్వండి, లెజెండ్ కానివ్వండి.. ఈ సినిమాలు విడుదలకన్నా ముందే టైటిల్స్ విషయంలోనే హిట్ పక్కా  అనేలా ఉన్నాయి. మంచి మాస్ మాసాలతో తెరకెక్కిన ఆ రెండు సినిమాలు టైటిల్ విషయంలోనే కాదు..  కంటెంట్ పరంగాను బ్లాక్ బస్టర్ హిట్స్. అందుకే వారి కాంబోలో వస్తున్నా మూడో సినిమాపై విపరీతమైన అంచనాలు. తాజాగా విడుదలైన ఓయపాటి – బాలయ్య ల సినిమా టీజర్ ధూమ్ ధామ్ అంటూ యూట్యూబ్ నే దడదడ లాడించింది. అయితే ఇప్పుడు ఈ సినిమా టైటిల్ పై సోషల్ ఇండియాలో నందమూరి ఆభిమానులు బాగా టెంక్షన్ ఫీలవుతున్నారు. నిన్నటివరకు బాలయ్య – బోయపాటి ల కాంబో మూవీ కి మోనార్క్ అనే టైటిల్ ప్రచారంలో ఉండగా.. నందమూరి ఫాన్స్ కూడా టైటిల్ అదిరింది. సినిమా కూడా బ్లాక్ బస్టర్ అని ఫిక్స్ అయ్యారు.

తాజాగా.. బాలయ్య – బోయపాటి సినిమాకి టైటిల్ మోనార్క్ కాదని సూపర్ మ్యాన్ అనే మరో టైటిల్ సోషల్ మీడియాలో ప్రచారంలోకొచ్చింది. గతంలో సూపర్ మ్యాన్ అనే టైటిల్ తో సీనియర్ ఎన్టీఆర్ సినిమా కూడా చేశారు. అంతేకాదు బోయపాటి – బాలయ్య ల పవర్ ఫుల్ కథకి ఈ సూపర్ మ్యాన్ అనే టైటిల్ పర్ఫెక్ట్ గా సరిపోతుందట. అందుకే బోయపాటి ఈ సూపర్ మ్యాన్ టైటిల్ కె మొగ్గు చూపుతున్నాడట. కానీ నందమూరి ఫాన్స్ మాత్రం సూపర్ మ్యాన్ టైటిల్ బాలయ్య కి బాలేదు.. మోనార్క్ టైటిల్ అయితేనే పవర్ ఫుల్ గా ఉంటుంది.. ఒక్కసారి ఆలోచించు బోయపాటి అంటూ రిక్వెస్ట్ లు పెడుతున్నారట.