ప్రభాస్ కొత్త హీరోయిన్ కి ఇష్టమైనవేమిటో తెలుసా?

మహానటి దర్శకుడు నాగ్ అశ్విన్ ప్రభాస్ తో చేసే సినిమా కోసం ఏకంగా బాలీవుడ్ టాప్ హీరోయిన్ దీపికా పదుకొనేని తీసుకొస్తున్నాడు. ఏం చేసి ఒప్పించాడో కానీ.. ప్రభాస్ సరసన దీపికా అనేది ఫిక్స్ అవడం, ప్రకటన రావడం జరిగిపోయింది. భారీ బడ్జెట్ తో భారీగా తెరకెక్కబోయే ఈ సినిమాలో దీపికా హీరోయిన్ అనగానే ప్రభాస్ ఫాన్స్ గాల్లో తేలిపోతున్నారు. సౌత్ లో ప్రభాస్ తో గ్రాండ్ ఎంట్రీ ఇస్తున్న దీపికా పదుకొనె సోషల్ మీడియాలో అభిమానుల్తో ముచ్చటించింది. తనకి ఏమేం ఇష్టమో.. తన భర్త రణ్వీర్ ముచ్చట్లను అభిమానులతో పంచుకుంది. తనకి అమితాబచ్చన్ తో కలిసి నటించిన పీకు సినిమాలోని పీకు పాత్ర అంటే చాలా ఇష్టం అని చెబుతుంది. ఇంకా తనకి ఆవకాయ అంటే మామిడికాయ పచ్చడి, రసం, అన్నం లైఫ్ లాంగ్ తినమన్నా తింటాను అని చెబుతుంది.

ఇక సౌత్ ఫిల్టర్ కాఫీ, ఛాయ్ అంటే చాలా ఇష్టమని.. తాను చాయ్ బాగా పెడతా అంటుంది. ఇక లాక్ డౌన్ ముగియగానే తన తల్లితండ్రుల వద్దకు వెళతా అని, అమ్మ వండిన ఏ వంట అయినా తనకి చాలా ఇష్టమని చెబుతుంది దీపికా పదుకొనె. నాలోని ప్రతిభ, నైపుణ్యం నాకంటే నా సోదరి, నా భర్తకే ఎక్కువ తెలుసు అని చెబుతుంది. ఇక వెకేషన్స్ కి వెళ్లడం అన్నా, పర్వత ప్రాంతాల కన్నా బీచ్ లకి వెళ్లడం చాల ఇష్టమని.. తన భర్త రణ్వీర్ త్వరగా నిద్ర లేవడని.. తన్నై లేపడానికి ఇప్పటివరకు 35  వేలసార్లు గడియారాన్ని స్నూజ్ చేసావ్.. రా బ్రేక్ ఫాస్ట్ తిందువు గాని అంటూ పిలుస్తా అని చెబుతుంది.