చిరంజీవి రీఎంట్రీ ఇచ్చిన ఖైదీ నంబర్ 150తో తన సొంత బ్యానర్ ను లాంచ్ చేశాడు రామ్ చరణ్. ఇప్పుడు చిరంజీవి 152వ చిత్రం 'సైరా' కూడా కొణిదెల ప్రొడక్షన్స్ లో నిర్మిస్తున్నారు రామ్ చరణ్. ఇదిలా ఉండగా రామ్ చరణ్ - అఖిల్ అక్కినేని మంచి ఫ్రెండ్స్ అని అందరికీ తెలిసిన విషయమే. వీరిద్దరూ కలిసి బయట ఒకరి ఈవెంట్ కు ఇంకొకరు వెళ్తుంటారు. ఫ్రెండ్ షిప్ ని యూజ్ చేసుకుని చరణ్ అఖిల్ తో ఓ సినిమా ప్లాన్ చేస్తున్నాడు. ఈ సినిమాను తన సొంత బ్యానర్ అయిన కొణిదెల ప్రొడక్షన్స్ లోనే నిర్మించనున్నాడు. అన్ని అనుకున్నట్టు జరిగితే సురేందర్ రెడ్డి డైరక్షన్ లో ఈ సినిమా ఉంటుంది. ఆల్రెడీ సురేందర్ రెడ్డి అఖిల్ కి ఓ లైన్ చెబితే ఆ లైన్ కి వెంటనే కనెక్ట్ అయ్యిపోయాడంట.
సైరా తర్వాత అఖిల్ తో...
ప్రస్తుతం 'సైరా' షూటింగ్ లో బిజీగా ఉన్న సురేందర్ రెడ్డి ఈ సినిమా కంప్లీట్ చేసిన తరువాత వెంటనే అఖిల్ మూవీని సెట్స్ మీదకు తీసుకుని వెళ్లనున్నాడు. అఖిల్ ప్రస్తుతం వెంకీ అట్లూరి దర్శకత్వంలో 'మిస్టర్ మజ్ను' సినిమా చేస్తున్నాడు. ఈ సినిమా త్వరలోనే షూటింగ్ కంప్లీట్ చేసుకోనుంది. ఈ సినిమా తరువాత అఖిల్ వెంటనే ఆది పినిశెట్టి తమ్ముడి దర్శకత్వంలో ఓ సినిమా చేయబోతున్నాడు. ఈ రెండు సినిమాల తరువాత సురేందర్ రెడ్డితో డైరెక్షన్ లో నటించే అవకాశముంది.