చరణ్ పాన్ ఇండియా మూవీ మ్యూజిక్ డైరెక్టర్ ఫిక్స్!

ప్రస్తుతం ఆర్.ఆర్.ఆర్, ఆచార్య సినిమా షూటింగ్ చిత్రీకరణలో బిజీగా ఉన్న రామ్ చరణ్ తదుపరి చెయ్యబోయే మూవీపై అందరిలో ఆసక్తి నెలకొన్న టైం లో.. రామ్ చరణ్ – శంకర్ పాన్ ఇండియా ఫిలిం సెట్ అయ్యింది. కోలీవుడ్ దర్శకుడు శంకర్ తో రామ్ చరణ్ నెక్స్ట్ ఫిలిం ని బడా నిర్మాత దిల్ రాజు సెట్ చేసాడు. భారీ బడ్జెట్ తో మల్టీస్టారర్ గా ఉండబోతున్న ఈ సినిమాలో రామ్ చరణ్ తో పాటుగా మరో స్టార్ హీరో అంటే కోలీవుడ్ హీరో సూర్య నటించబోతున్న విషయం తెలిసిందే. సూర్య – రామ్ చరణ్ కాంబోలో డైరెక్టర్ శంకర్ పాన్ ఇండియాని షేక్ చెయ్యబోతున్నారు.

ఈ అదిరిపోయే కాంబినేషన్ కి మ్యూజిక్ డైరెక్టర్ గా రెహ్మాన్, ఎస్.ఎస్.థమన్ పేర్లు వినిపించినా ఫైనల్ గా తమిళ టాప్ మ్యూజిక్ డైరెక్టర్ అనిరుద్ ని క్రేజీ కాంబో పాన్ ఇండియా ఫిలిం కి మ్యూజిక్ డైరెక్టర్ గా ఎంపిక చేసారని సన్నహిత వర్గాల సమాచారం. అంటే శంకర్ – రామ్ చరణ్ – సూర్య కాంబో మూవీకి మ్యూజిక్ డైరెక్టర్ గా అనిరుద్ ఫిక్స్ అట. ఈ విషయాన్నీ త్వరలోనే అధికారికంగా తెలియజేస్తారని సమాచారం. ఇప్పటి నుండే అనిరుద్ శంకర్ – రామ్ చరణ్ మూవీపై వర్క్ చెయ్యడానికి రెడీ అవుతున్నాడట. ఇక దిల్ రాజు బ్యానర్ లో భారీ బడ్జెట్ తో తెరకెక్కబోయే ఫస్ట్ మూవీ ఈ మల్టీస్టారర్ కావడంతో అందరిలో ఈ సినిమాపై మంచి క్యూరియాసిటీ, ట్రేడ్ లోని భారీ అంచనాలు ఉన్నాయి.