అనుష్క ని బాగానే వాడుకుంటున్నారు..!

భాగమతి మూవీ తరువాత అనుష్క చాలా గ్యాప్ తీసుకుని చేస్తున్న చిత్రం సైరా. అయితే ఇందులో ఈమె ఫుల్ లెంగ్త్ పాత్రలో యాక్ట్ చేయట్లేదు. ఒక కీలక పాత్ర చేస్తునట్టు గత కొన్ని రోజుల నుండి వార్తలు వస్తున్నాయి. ఈ పాత్ర చాలా ప్ర‌త్యేకంగా ఉంబోతోంద‌ని, స్వీటీ మ‌రింత గ్లామ‌రెస్‌గా క‌నిపించ‌బోతోంద‌ని టాక్‌. ఇప్పటికే ఇందులో న‌య‌న‌తార‌, త‌మ‌న్నా నటిస్తున్నారు. ఇప్పుడు అనుష్క కనిపించబోతుంది. ఈ వారంలోనే అనుష్క ‘సైరా’ సెట్లో అడుగుపెట్ట‌బోతోంది. అనుష్క‌పై స‌న్నివేశాల్ని తెర‌కెక్కిస్తే… ‘సైరా’ షూటింగ్ దాదాపుగా పూర్త‌యిన‌ట్టే.

ఓ పాటలో కూడా అనుష్క

అయితే ఈమెను మొదట కొన్ని సీన్స్ కోసమే తీసుకున్నారు కానీ ఇప్పుడు ఓ పాట‌లో కూడా అనుష్క‌ని వాడుకోవాల‌ని చిత్ర‌బృందం భావిస్తోంది. త్వరలోనే ఆ సాంగ్ కూడా షూట్ చేయనున్నట్టు చెబుతున్నారు. ఆల్రెడీ సైరా చిత్రం టాకీ పార్ట్ పూర్తయింది. ప్యాచ్ వర్క్ తప్ప. అక్టోబ‌రులోనే ఈ చిత్రాన్ని విడుద‌ల చేయాల‌న్న‌ది చిరంజీవి ఆలోచ‌న‌. ఇక ఇందులో అమితాబ్ బచ్చన్ తో పాటు సుదీప్, విజయ్ సేతుపతి కీలక పాత్రలో నటించనున్నారు.