అమలా పాల్ మూవీ గురించి ట్వీట్ చేసిన సామ్!

తమిళ నటి అమలా పాల్ ప్రధాన పాత్రలో తెరకెక్కిన సస్పెన్స్ థ్రిల్లర్ “ఆడై” ఫస్ట్ తోనే మూవీ పై అంచనాలు పెంచేసింది. రత్న కుమార్ డైరెక్ట్ చేస్తున్న ఈసినిమా నుండి నిన్న టీజర్ రిలీజ్ అయింది. నిమిషం పైనే ఉన్న ఈ టీజర్ ఆసక్తికరంగా ఉంది. టీజర్ లో అమలా ఒక షాట్ లో పూర్తిగా నగ్నంగా కనిపించి ప్రేక్షకులను ఆశ్చర్యానికి గురిచేసింది.

పాత్ర కోసం అమలా ఎటువంటి పాత్ర అయినా చేస్తుందని చెప్పకనే చెబుతుంది. ఇక ఈ టీజర్ కు సినీ ప్రముఖుల నుండి అలాగే,ప్రేక్షకుల నుండి ప్రశంసలు అందుతున్నాయి. అలానే నటి సమంత కూడా ఈ టీజర్ గురించి ట్వీట్ చేసింది. ” ఈ మూవీ టీజర్ అత్యంత ఉత్కంఠ కలింగించేలా, అద్భుతంగా ఉంది, బెస్ట్ విషెస్ టు అమలా పాల్, ఈ మూవీ కోసం నేను చాలా ఆతృతగా ఎదురుచూస్తున్నాను” అంటూ ట్వీట్ చేసింది.

ప్రదీప్ కుమార్ సంగీతం అందిస్తున్న ఈసినిమాను వి స్టూడియోస్ బ్యానర్ పై విజ్జి సుబ్రహ్మణ్యం నిర్మిస్తున్నారు. త్వరలోనే రిలీజ్ డేట్ పై క్లారిటీ ఇవ్వనున్నారు.