వార్ని బండబడ ఏందీ ఈ అభిమానం

స్టార్ హీరోల ఫాన్స్ తమకిష్టమైన హీరో స్టేజ్ ఎక్కాడంటే విజిల్స్ వేస్తూ.. వాళ్ళు మాట్లాడినా వినిపించనంతగా అల్లరి చేస్తుంటారు ఫాన్స్. హీరోల కోసం ప్రాణాలను సైతం లెక్క చెయ్యని అభిమానులు ఉన్నారు. రీసెంట్ గా చావు కబురు చల్లగా ప్రీ రిలీజ్ ఈవెంట్ లో స్టైలిష్ స్టార్ అల్లు అర్జున్ ని ఫాన్స్ ఇబ్బంది పెట్టిన వీడియోస్ ఇప్పుడు సోషల్ మీడియాలో వైరల్ అయ్యాయి. గత కొన్నాళ్లుగా అంటే ఆహా వన్ ఇయర్ సెలెబ్రేషన్స్, అలా వైకుంఠపురములో వన్ ఇయర్ సెలెబ్రేషన్న్ అప్పుడు మాత్రమే కనిపించిన అల్లు అర్జున్ కొన్ని రోజులుగా పుష్ప సినిమా షూటింగ్ లో బిజీగా ఉండడంతో పెద్దగా అభిమానులకి కనిపించడం లేదు.
అంతేకాదు.. ఈమధ్యన అల్లు అర్జున్ పబ్లిక్ పంక్షన్స్ కి రావడం లేదు. లేటెస్ట్ గా చావు కబురు చల్లగా ఈవెంట్ కి హాజరైన అల్లు అర్జున్ పై అభిమానుల అభిమానం చూస్తే వార్ని బండబడ ఏందీ ఈ అభిమానం అంటారు. అల్లు అర్జున్ స్టేజ్ ఎక్కగానే అభిమానులు స్టేజ్ పైకి దూసుకు వచ్చారు. చావు కబురు చల్లగా సినిమా చూసా అని సినిమా చాలా బావుంది అంటూ మాట్లాడుతున్న అల్లు అర్జున్ పైకి అభిమానులు దూసుకురావడంతో అల్లు అర్జున్ కూడా ఒకింత అసహనానికి గురయ్యాడు. ప్లీజ్ కాసేపు ఆగండి ఐదు నిముషాలు మాట్లాడనివ్వండి అంటున్నా అభిమానులు.. అల్లు అర్జున్ ని వదల్లేదు. అల్లు అర్జున్ సెక్యూరిటీ, బౌన్సర్లు కూడా అభిమానులని కంట్రోల్ చెయ్యలేకపోయారంటే అభిమానులు అల్లు అర్జున్ పై ఎంత ప్రేమ చూపిస్తున్నారో.
మరి చాలా రోజులకి పబ్లిక్ ఈవెంట్ కి హాజరైన అల్లు అర్జున్ ని ఆయన అభిమానులు ఎంతగా మిస్ అయ్యారో స్టేజ్ మీద అల్లు అర్జున్ మీద పడిపోయిన అభిమానులను చూస్తే అర్ధమవుతుంది.