‘రొమాంటిక్’గా పూరి తనయుడు

యంగ్ హీరో ఆకాష్ పూరి హీరోగా పరిచయమైన తొలి సినిమా ‘మెహబూబా’ తోనే విమర్శకుల ప్రశంసలు అందుకున్నాడు. ఈ చిత్రం తరువాత ఆకాష్ ‘రొమాంటిక్’ అనే చిత్రాన్ని చేయబోతున్నాడు. ఈ మేరకు నిర్మాతలు టైటిల్ ని ప్రకటించారు. ఈరోజే సినిమా లాంఛనంగా ప్రారంభోత్సవం కాగా, హీరో కళ్యాణ్ రామ్, సీనియర్ నటి రమాప్రభ ముఖ్య అతిధులుగా విచ్చేశారు. చిత్రం తొలి సన్నివేశానికి హీరో కళ్యాణ్ రామ్ క్లాప్ కొట్టారు. నూతన దర్శకుడు అనిల్ పాదూరి దర్శకత్వం వహిస్తున్న ఈ సినిమా షూటింగ్ ఈరోజు నుంచి జరుపుకుంటుంది. ఇందులో ఆకాష్ సరికొత్త లుక్ తో స్టైలిష్ గా కనిపించనున్నాడు. లవ్ స్టోరీ గా తెరకెక్కుతున్న ఈ సినిమా కి పూరి జగన్నాధ్ కథ, స్క్రీన్ ప్లే, మాటలు అందించడం విశేషం. పూరి జగన్నాధ్ టూరింగ్ టాకీస్, పూరి కనెక్ట్స్ పతాకాలపై పూరి జగన్నాధ్, ఛార్మి సంయుక్తంగా ఈ చిత్రాన్ని నిర్మిస్తున్నారు. పూర్తి వివరాలు త్వరలో వెల్లడించనున్నారు. ఈ సంవత్సరంలో ఈ బ్యానర్ నుంచి వస్తున్న రెండో సినిమా కాగా, రామ్ హీరోగా పూరి జగన్నాధ్ దర్శకత్వంలో ‘ఇస్మార్ట్ శంకర్’ షూటింగ్ శరవేగంగా జరుపుకుంటుంది..