World Cup Finals 2023 : ఆ ఇద్దరూ నిలబడి.. కలబడి.. కప్‌‌ను ఎగరేసుకెళ్లారు

అవును.. ఇది క్రికెట్.. గెలుపోటములు ఎవరి చేతిలో ఉండవు. ఆరోజు ఎవరిదైతే వారిదే విజయం. ఆరో సారి ఆస్ట్రేలియా జట్టు వరల్డ్ కప్ ను ముద్దాడింది. ఆరు వికెట్ల తేడాతో విజయాన్ని సాధించింది. ఆస్ట్రేలియాను ఇద్దరే నిలబడి గెలిపించారు. హెడ్, లబూషేన్ లు చివరి వరకూ ఆడి తమ దేశానికి కప్ ను తీసుకెళ్లారు. వరల్డ్ కప్ ను ఎగరేసుకుని వెళ్లింది. భారత్ ఓటమి పాలయింది. కంటి ముందు తక్కువ లక్ష్యం ఉండటంతో నింపాదిగా ఆడి అనుకున్న టార్గెట్ రీచ్ అయింది. లాబుషేన్, హెడ్ నిలబడి మరీ ఆసీస్ ను గెలిపించారనే చెప్పాలి. మూడు వికెట్లు వెంటవెంటనే పడిపోయినా వారిలో కంగారు లేదు. తత్తరపాటు లేదు. కంటి ముందున్న లక్ష్యం స్వల్పంగా కనిపిస్తున్నప్పుడు కప్పు కొట్టడంపై కన్ను పెట్టారు.